ನ್ಯೂಯಾರ್ಕ್, ಮೇ ೨೨: ಲೂಸಿಯಾನಾ ರಾಜ್ಯದ ರಾಜ್ಯಪಾಲರಾಗಿರುವ ಭಾರತೀಯ ಅಮೆರಿಕನ್ ಬಾಬ್ಬಿ ಜಿಂದಲ್ ಅವರು ಈ ವಾರಾಂತ್ಯವನ್ನು ರಿಪಬ್ಲಿಕನ್ ಪಕ್ಷದ ಸಂಭಾವ್ಯ ಅಧ್ಯಕ್ಷೀಯ ಅಭ್ಯರ್ಥಿ ಜಾನ್ ಮೆಕೇನ್ ಅವರೊಂದಿಗೆ ಕಳೆಯಲಿದ್ದು , ಆ ಮೂಲಕ ತಾನು ಉಪಾಧ್ಯಕ್ಷ ಹುದ್ದೆಗೆ ಸ್ಪರ್ಧೆಯಲ್ಲಿರುವ ಓರ್ವ ಮುಂಚೂಣಿ ಅಭ್ಯರ್ಥಿ ಎಂಬ ಸೂಚನೆ ನೀಡಿದ್ದಾರೆ.

ಪಂಜಾಬ್ ಮೂಲದ 36ರ ಹರೆಯದ ಜಿಂದಲ್ ಅವರು ತಾನು ಮೆಕೇನ್ ಅವರೊಂದಿಗಿನ ಸಹ-ಅಭ್ಯರ್ಥಿ ಎಂಬುದನ್ನು ಪದೇ ಪದೇ ನಿರಾಕರಿಸುತ್ತಲೇ ಬಂದಿದ್ದಾರೆ. ಮಾತ್ರವಲ್ಲ , ತಾನೀಗ ಹೊಂದಿರುವ ಹುದ್ದೆಯಲ್ಲೇ ಸಂತುಷ್ಟನಾಗಿ ದ್ದೇನೆ ಎಂದು ಹೇಳಿಕೊಂಡು ಬಂದಿದ್ದಾರೆ.

ಆದರೆ ಈ ನಡುವೆ ಪ್ರಭಾವೀ ನ್ಯೂಯಾರ್ಕ್ ಟೈಮ್ಸ್ ಪತ್ರಿಕೆ ಮೆಕೇನ್ ಅವರು ಜಿಂದಲ್ ಅವರನ್ನು ಕಾಣಲು ಉದ್ಯುಕ್ತರಾಗಿದ್ದು , ಅರಿಝೋನಾದಲ್ಲಿ ಈ ವಾರಾಂತ್ಯವನ್ನು ತನ್ನ ಇಬ್ಬರು ಸಹ-ಅಭ್ಯರ್ಥಿಗಳೊಂದಿಗೆ ಕಳೆಯಲಿದ್ದಾರೆ ಎಂದು ವರದಿ ಮಾಡಿದೆ. ಜಿಂದಲ್ ಮಾತ್ರವಲ್ಲದೆ, ಫ್ಲೋರಿಡಾ ರಾಜ್ಯಪಾಲ ಚಾರ್ಲೀ ಕ್ರಿಸ್ಟ್ ಮತ್ತು ಮೆಸಾಚುಸೆಟ್ಸ್‌ನ ಮಾಜಿ ರಾಜ್ಯಪಾಲ ಮಿಟ್ ರಾಮ್ನೀ ಅವರು ಮೆಕೇನ್ ಅವರ ವಾರಾಂತ್ಯದ ಸ್ನೇಹಕೂಟದ ಆಹ್ವಾನವನ್ನು ಸ್ವೀಕರಿಸಿದ್ದಾರೆ ಎಂದು ಪತ್ರಿಕೆ ವರದಿ ಮಾಡಿದೆ.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ವರದಿಗಾರರು : ಗ.ಕ.ವಿಶೇಷ ವರದಿಗಾರರು ಪ್ರಕಟಿಸಿದ ದಿನಾಂಕ : 2008-05-23