»ಹೆಚ್ಚಿನ ಚಿತ್ರಗಳು

ಎರೆಡೂವರೆ ಘಂಟೆಯ ವಿಶೇಷ ಕಾರ್ಯಕ್ರಮ : ಅಲ್ ಖೋರ್ 'ಭಾರತಿ' ಸಂಘಟನೆಯ ಪ್ರಸ್ತುತಿ

ದೋಹಾ, ಏಪ್ರಿಲ್ 29: ಇಲ್ಲಿನ ಅಲ್ ಖೋರ್ ನಗರದಲ್ಲಿ ವಾಸವಾಗಿರುವ ಭಾರತೀಯರು ಸಂಘಟಿಸಿಕೊಂಡಿರುವ  ಧರ್ಮಾರ್ಥ ಸಂಸ್ಥೆ  ಭಾರತಿ ಇತ್ತೀಚೆಗೆ ಸಂಗೀತ ಕಾರ್ಯಕ್ರಮವನ್ನು ಹಮ್ಮಿಕೊಂಡಿತ್ತು. ಈ ಪ್ರದರ್ಶನದಲ್ಲಿ ಸುಮಾರು ಹನ್ನೆರೆಡು ಖ್ಯಾತ ಗಾಯಕರು ತಮ್ಮ ಪ್ರತಿಭೆಯನ್ನು ಒರೆಹಚ್ಚಿದರು. ಮುಖ್ಯ ಗಾಯಕರಾದ ಮಿಲನ್ ಹಾಗೂ ಅರುಣ್ ಅವರು ಅತ್ಯಮೋಘ ಪ್ರದರ್ಶನ ನೀಡಿ ಎರೆಡೂವರೆ ಘಂಟೆಯನ್ನು ಎರೆಡು ನಿಮಿಷದಲ್ಲಿ ಕಳೆದಂತೆ ಜನತೆಯನ್ನು ರಂಜಿಸಿದರು. ಕಾರ್ಯಕ್ರಮದಲ್ಲಿ ಕನ್ನಡ, ತೆಲುಗು, ಹಿಂದಿ ಹಾಗೂ ತಮಿಳು ಗೀತೆಗಳು ಕೇಳಿಬಂದವು. ಅಂಕಿತಾ ಅವರೊಡನೆ ಜೀವಿಕಾ ಶೆಟ್ಟಿ ಹಾಗೂ ಐಶ್ವರ್ಯಾ ಶೆಟ್ಟಿ ಯವರು ತಮ್ಮ ಅಮೋಘ ನೃತ್ಯದಿಂದ ನೆರೆದವರನ್ನು ಇನ್ನಷ್ಟು ರಂಜಿಸಿದರು. ಗಾಯಕರಾದ ಇಮ್ತಿಯಾಜ್, ಜಮ್ಶೇದ್, ಮೃದುಲ ಮುಕುಂದನ್ ತ್ರಯರು ಹಲವು ಹೊಸ ಹಾಗೂ ಹಳೆಯ ಹಿಂದಿ ತಮಿಳು, ತೆಲುಗು ಹಾಗೂ ಮಲಯಾಳಂ ಹಾಡುಗಳನ್ನು ಹಾಡಿದರು.

Indian Community Benevolent Fund (ICBF)   ನ ಹಲವು ಧರ್ಮಾರ್ಥ ಕಾರ್ಯಾಚರಣೆಗಳಲ್ಲಿ ಭಾಗಿಯಾಗಿ ಇತ್ತೀಚೆಗೆ ಭಾರತಿ ಸಂಸ್ಥೆಯು (ICBF)   ಯಿಂದ ಅಭಿನಂದನಾ ಪ್ರಶಸ್ತಿಯನ್ನು ಪಡೆದಿತ್ತು. (ICBF)   ಪ್ರಸುತಪಡಿಸುತ್ತಿರುವ ಪ್ರತಿ ಭಾರತೀಯನಿಗೆ ವಿಮಾ ಸೌಲಭ್ಯದಲ್ಲಿ ಭಾರತಿ ಸಂಸ್ಥೆ ಪ್ರಮುಖ ಪಾತ್ರ ವಹಿಸುತ್ತಿದೆ.

ಅಧ್ಯಕ್ಷರಾದ ಎಸ್. ಶ್ರೀಧರ್ ಸ್ವಾಗತಿಸಿದರೆ ಉಪಾಧ್ಯಕ್ಷ ರಾಜ್ ಜ್ಯೋತಿಯವರು ಭಾರತಿ ಸಂಸ್ಥೆಯ ಚಟುವಟಿಕೆಗಳ ಚುಟುಕಾದ ಪರಿಚಯ ನೀಡಿದರು. ಅಂತಿಮವಾಗಿ ಪದ್ಮಜರವರು ವಂದನಾರ್ಪಣೆ ಸಲ್ಲಿಸಿದರು.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ವರದಿಗಾರರು : ಅರ್ಶದ್ ಹುಸೇನ್ ಎಂ.ಹೆಚ್ ಪ್ರಕಟಿಸಿದ ದಿನಾಂಕ : 2008-04-29