ಲಂಡನ್(ಏಜೆನ್ಸಿ), ಶನಿವಾರ, 26 ಏಪ್ರಿಲ್ 2008  

ಭಾರತದ ಉಕ್ಕಿನ ದೊರೆ ಲಕ್ಷ್ಮಿ ಮಿತ್ತಲ್ ಸತತವಾಗಿ ನಾಲ್ಕನೇ ವರ್ಷ ಬ್ರಿಟನ್‌ನ ಅತೀ ಶ್ರೀಮಂತ ಉದ್ಯಮಿಯಾಗಿದ್ದಾರೆಂದು ಪ್ರಮುಖ ಮಾಧ್ಯಮ ಕೇಂದ್ರವೊಂದು ತಿಳಿಸಿದೆ. ಸಂಡೇ ಟೈಮ್ಸ್ ರಿಚ್ ಲಿಸ್ಟ್ 2008 ಪಟ್ಟಿ ನಾಳೆ ಪ್ರಕಟವಾಗಲಿದ್ದು, ಲಂಡನ್ ಮೂಲದ 57 ವರ್ಷ ವಯಸ್ಸಿನ ಮಿತ್ತಲ್ ಮತ್ತು ಅವರ ಕುಟುಂಬದ ಒಟ್ಟು ಆಸ್ತಿ 27,700 ದಶಲಕ್ಷ ಪೌಂಡ್ ಮೌಲ್ಯದ್ದಾಗಿದೆ.

ಕಳೆದ ವರ್ಷ ವಿಶ್ವದ ಪ್ರಮುಖ ಕಂಪೆನಿ ಆರ್ಸೆಲರ್ ಸ್ವಾಧೀನದ ಬಳಿಕ ಉಕ್ಕಿನ ದೊರೆ ತಮ್ಮ ಅತೀ ಶ್ರೀಮಂತ ಸ್ಥಾನವನ್ನು ಭದ್ರಪಡಿಸಿಕೊಂಡರು.ಸಹಯೋಗದ ಉದ್ಯಮವಾದ ಆರ್ಸೆಲರ್ ಮಿಟ್ಟಲ್ 115ದಶಲಕ್ಷ ಟನ್ ಉಕ್ಕನ್ನು ಪ್ರತಿವರ್ಷ ಉತ್ಪಾದಿಸುತ್ತಿದ್ದು, ವಿಶ್ವ ಮಾರುಕಟ್ಟೆಯ ಶೇ. 10ರಷ್ಟು ಉತ್ಪಾದನೆಯಾಗಿದೆ.

ಮಿಟ್ಟಲ್‌ ಅವರ ನಂತರ ರಷ್ಯನ್ನರಾದ ಆಲಿಗಾರ್ಕ್ ರೋಮನ್ ಆಬ್ರಮೋವಿಕ್ 11,700 ದಶಲಕ್ಷ ಪೌಂಡ್‌ನೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ ಮತ್ತು ಬ್ರಿಟನ್‌ನ ಶ್ರೀಮಂತ ಆಸ್ತಿ ವಹಿವಾಟುದಾರ ಡ್ಯೂಕ್ ಆಫ್ ವೆಸ್ಟ್‌ಮಿನಿಸ್ಟರ್ 7000 ದಶಲಕ್ಷ ಪೌಂಡ್ ಮೌಲ್ಯದೊಂದಿಗೆ ಮೂರನೇ ಸ್ಥಾನ ಹೊಂದಿದ್ದಾರೆ. ಹಿಂದೂಜಾ ಸೋದರರಾದ ಶ್ರೀ ಮತ್ತು ಗೋಪಿ ನಾಲ್ಕನೇ ಸ್ಥಾನದಲ್ಲಿದ್ದು, ತಮ್ಮ ತಂದೆಯ 6200 ದಶಲಕ್ಷ ಪೌಂಡ್ ಕೈಗಾರಿಕೆಯ ಶತಮಾನೋತ್ಸವವನ್ನು 2014ರಲ್ಲಿ ಆಚರಿಸಲಿದ್ದಾರೆ.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ಮೂಲ - ವೆಬ್‌ದುನಿಯಾ ವರದಿಗಾರರು : ಗ.ಕ.ವಿಶೇಷ ವರದಿಗಾರರು ಪ್ರಕಟಿಸಿದ ದಿನಾಂಕ : 2008-04-27