ಕುವೈಟ್, ನವೆಂಬರ್ ೨೯. ಕುವೈಟಿನ ಮೂರನೆಯ ಮೊಬೈಲ್ ಕಂಪನಿಯ ೨೬% ಶೇರುಗಳನ್ನು ಸೌದಿ ಅರೇಬಿಯಾದ ಸೌದಿ ಟೆಲಿಕಾಂ ಕಂಪನಿ (ಎಸ್.ಟಿ.ಸಿ) ಇತರ ಒಂಭತ್ತು ಸಂಸ್ಥೆಗಳೊಂದಿಗೆ ಪೈಪೋಟಿ ನಡೆಸಿ ಗೆದ್ದುಕೊಂಡಿದೆ. ಈ ವಿಷಯವನ್ನು ಕುವೈಟ್ ಇನ್ವೆಸ್ಟ್ ಮೆಂಟ್ ಆಥಾರಿಟಿ ಪ್ರಕಟಿಸಿದೆ. ಹೊಸ ಮೊಬೈಲ್ ಸೇವೆ ಬರುವ ವರ್ಷದ ಆದಿಯಿಂದ ಪ್ರಾರಂಭವಾಗಲಿದೆ.

ಎಸ್.ಟಿ.ಸಿ. ಟೆಂಡರ್ ಕರೆದ ಹರಾಜಿನಲ್ಲಿ ಪ್ರಸ್ತಾವಿಸಿದ ೨೪೮.೫ ಕುವೈತಿ ದಿನಾರ್ (೯೦೭.೬ ಮಿಲಿಯನ್ ಡಾಲರುಗಳು)ನ ಮೊತ್ತ ಅತೀ ಹೆಚ್ಚಿನದ್ದಾಗಿದ್ದು ಇನ್ನೂ ಕುವೈಟ್ ಸರ್ಕಾರದ ಮಂತ್ರಿಗಳ ಅನುಮೋದನೆ ಪಡೆಯಬೇಕಾಗಿದೆ. ಕುವೈಟ್ ರೂಪಿಸಿರುವ ಕಾನೂನಿನ ಪ್ರಕಾರ ೨೪% ಪಾಲು ಹೊಸ ರಾಷ್ಟ್ರೀಯ ಸಂಸ್ಥೆಗಳಿಗೂ, ೫೦% ಕುವೈಟಿ ನಾಗರಿಕರಿಗೆ ಸಾರ್ವಜನಿಕ ಸಂಸ್ಥೆಗಳ ಮೂಲಕವೂ ಹಾಗೂ ಉಳಿದ ಪಾಲು ಏಕಮಾತ್ರ ಹೂಡಿಕೆದಾರರಿಗೆ ಹಂಚಿಕೆಯಾಗಿದೆ. ಎರಡನೆಯ ಅತಿ ಹೆಚ್ಚು ಪ್ರಸ್ತಾವನೆ ಕುವೈಟಿನ ಅತಿದೊಡ್ಡ ಇಸ್ಲಾಮಿಕ್ ಬ್ಯಾಂಕಿಂಗ್ ಸಂಸ್ಥೆಯಾದ ಕುವೈಟಿ ಫೈನಾನ್ಸ್ ಹೌಸಿನಿಂದ ಬಂದಿದ್ದು ಮೊತ್ತವು ೧೯೫.೧ ಮಿಲಿಯನ್ ಕುವೈಟಿ ದಿನಾರ್ (೭೧೨ ಯು.ಎಸ್. ಡಾಲರು)ಗಳಾಗಿದೆ. ಯು.ಎ.ಇ.ಯ ಎತಿಸಲಾತ್ ಸಂಸ್ಥೆಯು ೧೮೦ ಮಿಲಿಯನ್ ದಿನಾರ್ (೬೫೬.೯ ಮಿಲಿಯನ್ ಯು.ಎಸ್.ಡಾಲರ್) ಮೂರನೆಯ ಅತಿಹೆಚ್ಚು ಪ್ರಸ್ತಾವನೆಯಗಿತ್ತು.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ಸೌದಿ ಗೆಜೆಟ್ ವರದಿಗಾರರು : ಅರ್ಶದ್ ಹುಸೇನ್ ಎಂ.ಹೆಚ್ ಪ್ರಕಟಿಸಿದ ದಿನಾಂಕ : 2007-11-29