»ಹೆಚ್ಚಿನ ಚಿತ್ರಗಳು

ಕುವೈಟ್, ನವೆಂಬರ್ ೨೮. ಜಪಾನ್ ಹಾಗೂ ಕುವೈಟ್ ಜನತೆಯನ್ನು ಬಳಿತರುವ ನಿಟ್ಟಿನಲ್ಲಿ ಆಯೋಜಿಸಲಾಗಿದ್ದ ಏಳನೆಯ ತೀರ ಸ್ವಚ್ಚ ಅಭಿಯಾನ  ಅಥವಾ -ಆಮೆ ಕಾರ್ಯಾಚರಣೆ- ಯು Kuwait Environmental Protection Society (KEPS) ಯೊಂದಿಗೆ ಜಂಟಿಯಾಗಿ ತೀರ ಸ್ವಚ್ಛಗೊಳಿಸುವ ಕಾರ್ಯದಲ್ಲಿ ಕೈಜೋಡಿಸಿದರು. ಸುಮಾರು ೧೬೦ಕ್ಕೂ ಹೆಚ್ಚು ಜಪಾನ್ ನಾಗರಿಕರು ಹಾಗೂ ಕೆಇಪಿಎಸ್ ಸದಸ್ಯರು, ವಯೋಮಾನಬೇಧವಿಲ್ಲದೆ ಈ ಅಭಿಯಾನದಲ್ಲಿ ಪಾಲ್ಗೊಂಡರು. ಒಂದು ಘಂಟೆಯ ಕಾಲ ಅಲೆದ ಅವರು ಸುಮಾರು ೩೦ ದೊಡ್ಡ ಪ್ಲಾಸ್ಟಿಕ್ ಚೀಲಗಳ ಭರ್ತಿ ಕಸವನ್ನು ಸಂಗ್ರಹಿಸಿ ತೀರಗಳನ್ನು ಸ್ವಚ್ಛವಾಗಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಜನತೆಗೆ ಪರಿಸರ ನೈರ್ಮಲ್ಯದ ಬಗ್ಗೆ ಅರಿವು ಮೂಡಿಸುವುದು ಈ ಅಭಿಯಾನದ ಪ್ರಮುಖ ಉದ್ದೇಶವಾಗಿದೆ  ಹಾಗೂ ಕುವೈಟ್ ಮತ್ತು ಜಪಾನ್ ನಾಗರಿಕರ ನಡುವೆ ಉತ್ತಮ ಬಾಂಧವ್ಯ ರೂಪುಗೊಳ್ಳಲು ಈ ಅಭಿಯಾನ ಸಹಕಾರಿಯಾಗಿದೆ ಎಂದು ಜಪಾನ್ ಸಂಘಟನೆಯ ಅಧ್ಯಕ್ಷರಾದ ಹಿಡೆಯುಕಿ ಉರಾಟಾ ಅವರು ತಿಳಿಸಿದ್ದಾರೆ.
ಈ ವಾರ್ಷಿಕ ಅಭಿಯಾನವು ೨೦೦೦ದಿಂದಲೂ ನಡೆಯುತ್ತಾ ಬಂದಿದೆ ಎಂದೂ ಅವರು ತಿಳಿಸಿದ್ದಾರೆ. ಕೆಇ.ಪಿಎಸ್. ಕಾರ್ಯದರ್ಶಿ ಎಂಜಿನಿಯರ್ ಹಮದ್ ಅಲ್ ಹಮದ್ ಅವರು ಹಿಂದಿನ ವರ್ಷಗಳ ಅಭಿಯಾನಗಳು ಯಶಸ್ವಿಯಾಗಿವೆಯೆಂಬುದಕ್ಕೆ ಇಂದಿನ ಅಭಿಯಾನಕ್ಕೆ ಸಿಕ್ಕ ಪ್ರೋತ್ಸಾಹವೇ ಸಾಕ್ಷಿ ಎಂದಿದ್ದಾರೆ. ಈ ಅಭಿಯಾನವು ತೀರಗಳಿಗೆ ಮೊಟ್ಟೆಯಿಡಲು ಆಗಮಿಸುವ ಸಮುದ್ರದ ಆಮೆಗಳಿಗೆ ಸಮರ್ಪಕ ಸ್ಥಳಾವಕಾಶ ನೀಡುವುದು ಅಭಿಯಾನದ ಹಿಂದಿನ ಪ್ರೇರಣೆಯಾಗಿದೆ. 

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ಕುವೈಟ್ ಟೈಮ್ಸ್ ವರದಿಗಾರರು : ಅರ್ಶದ್ ಹುಸೇನ್ ಎಂ.ಹೆಚ್ ಪ್ರಕಟಿಸಿದ ದಿನಾಂಕ : 2007-11-28