|
ಪ್ರಕಟಿಸಿದ ದಿನಾಂಕ : 2008-03-09  ವಿಶೇಷ ಕಾರ್ಯಕ್ರಮವಾಗಿ ತುಳು ನಾಟಕ : ದೇವರ್ ನಡಪಾವೆರ್ ಪ್ರದರ್ಶನ ದೋಹಾ, ಮಾರ್ಚ್ ೯: ಕತರ್ ತುಳು ಕೂಟ ಈ ವರ್ಷದ ವಾರ್ಷಿಕೋತ್ಸವವನ್ನು ತುಳು ನಾಟಕವೊಂದರ ಪ್ರದರ್ಶನದೊಂದಿಗೆ ವಿಶೇಷವಾಗಿ ಆಚರಿಸಲು ಸಜ್ಜಾಗಿದೆ. ಬರುವ ಮಾರ್ಚ್ ೨೮ ಶುಕ್ರವಾರದಂದು ಆಯೋಜಿತವಾಗಿರುವ ವಾರ್ಷಿಕೋತ್ಸವದಲ್ಲಿ ಪ್ರಖ್ಯಾತ ತುಳು ನಾಟಕ ನಿರ್ದೇಶಕರಾದ ಶ್ರೀ ದೇವಿದಾಸ್ ಕಾಪ್ಪಿಕಾಡ್ ಅವರ ಹಾಸ್ಯ ನಾಟಕ -ದೇವರ್ ನಡಪಾವೆರ್- ದೋಹಾ ಸಿನಿಮಾ ಸಭಾಂಗಣದಲ್ಲಿ ಪ್ರದರ್ಶನಗೊಳ್ಳಲು ಎಲ್ಲಾ ಸಿದ್ಧತೆಗಳು ನಡೆದಿವೆ. ಹಲವು ಯಶಸ್ವಿ ಪ್ರದರ್ಶನಗಳನ್ನು ಕಂಡಿರುವ ಈ ನಾಟಕ ಮೂರು ಘಂಟೆಯ ಅವಧಿಯದ್ದಾಗಿದ್ದು ಸುಮಾರು 17 ಕಲಾವಿದರು ಪಾತ್ರವರ್ಗದಲ್ಲಿದ್ದಾರೆ. ಎಲ್ಲಾ ಕಲಾವಿದರೂ ಊರಿನಿಂದ ಈ ಕಾರ್ಯಕ್ರಮಕ್ಕೆಂದೇ ವಿಶೇಷವಾಗಿ ಆಗಮಿಸಲಿದ್ದು ವಾರ್ಷಿಕೋತ್ಸವ ವಿಭಿನ್ನವಾಗಿ ಹಾಗೂ ಸ್ಮರಣಾತ್ಮಕವಾಗಿ ನೆರವೇರುವ ಎಲ್ಲಾ ಲಕ್ಷಣಗಳು ಗೋಚರಿಸುತ್ತಿವೆ. ಈ ಶುಭಸಂದರ್ಭದಲ್ಲಿ ಶ್ರೀ ಪ್ರಕಾಶ್ ಅಜಿಲ ಅವರು ಸಂಪಾದಕರಾಗಿರುವ -ನಿರೆಲ್- (ನೆರಳು) ಎಂಬ ಪತ್ರಿಕೆಯನ್ನೂ ಬಿಡುಗಡೆ ಮಾಡಲಾಗುವುದು. ಇಡಿಯ ದಿನ ನಡೆಯಲಿರುವ ಕಾರ್ಯಕ್ರಮದಲ್ಲಿ ತುಳುನಾಡಿನ ಸಂಸ್ಕೃತಿಯನ್ನು ಬಿಂಬಿಸುವ ಹಲವಾರು ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ. ಕಾರ್ಯಕ್ರಮದ ಟಿಕೇಟುಗಳು ಈ ಕೆಳಕಂಡ ದೂರವಾಣಿ ಸಂಖ್ಯೆಗಳನ್ನು ಸಂಪರ್ಕಿಸಬಹುದಾಗಿದೆ.
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
