ಶಾಪಿಂಗ್ ಮಾಲ್ ಗಳಲ್ಲಿ ವಿಪರೀತ ಉಪಟಳ : ಮಕ್ಕಾ ನಗರದಲ್ಲೂ ಬಿಡದ ಮಂಗಚೇಷ್ಟೆ

ರಿಯಾದ್, ಫೆಬ್ರವರಿ 27: ಪವಿತ್ರ ನಗರವಾದ ಮಕ್ಕಾದ ವಾಣಿಜ್ಯ ಮಳಿಗೆಗಳಲ್ಲಿ ಹೆಣ್ಣುಮಕ್ಕಳನ್ನು ಚುಡಾಯಿಸುತ್ತಿದ್ದ ಆರೋಪದ ಮೇಲೆ 57 ಸೌದಿ ಯುವಕರನ್ನು ನಗರದ ಧಾರ್ಮಿಕ ರಕ್ಷಣಾ ಪಡೆ ಬಂಧಿಸಿದೆ

ನಗರದಲ್ಲಿ ಶಾಂತಿ ಭಂಗ ಹಾಗೂ ಧರ್ಮಕ್ಕೆ ವಿರುದ್ಧವಾಗಿ ನಡೆದುಕೊಂಡ ಅಪರಾಧದ ಮೇಲೆ ಈ ಯುವಕರನ್ನು ಬಂಧಿಸಲಾಗಿದೆ. ವಾಣಿಜ್ಯ ಮಳಿಗೆಗಳಲ್ಲಿ ಅಸಭ್ಯ ವರ್ತನೆ, ಇಸ್ಲಾಂ ಧರ್ಮ ನಿಷೇಧಿಸಿರುವ ಬಟ್ಟೆಗಳನ್ನು ತೊಟ್ಟು ದೊಡ್ಡ ದನಿಯಲ್ಲಿ ಹಾಡು ಮತ್ತು ಕುಣಿತಗಳಿಂದ ಹೆಣ್ಣುಮಕ್ಕಳನ್ನು ಆಕರ್ಷಿಸುವ ಪ್ರಯತ್ನ ಮೊದಲಾದ ಆರೋಪಗಳ ಮೇಲೆ ಇವರನ್ನು ಬಂಧಿಸಲಾಗಿದೆ.

ಧಾರ್ಮಿಕ ರಕ್ಷಣಾ ಪಡೆ ಅಥವಾ ಮುತವಾ ಗಳೆಂದು ಕರೆಯಲಾಗುವ ಈ ರಕ್ಷಕರು ಸೌದಿ ಅರೇಬಿಯಾದ ಎಲ್ಲಾ ನಗರಗಳಲ್ಲಿ ಸಾರ್ವಜನಿಕರು ಇಸ್ಲಾಂ ಧರ್ಮ ಹಾಗೂ ಸೌದಿ ಅರೇಬಿಯಾದ ಸಂಸ್ಕೃತಿಗೆ ವಿರುದ್ಧವಾದ ಯಾವುದೇ ಕ್ರಮವನ್ನು ತಡೆಯುವ ವಿಶೇಷ ಅಧಿಕಾರವುಳ್ಳ ಅಧಿಕಾರಿಗಳಾಗಿದ್ದಾರೆ.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : The Saudi gazette ವರದಿಗಾರರು : ಅರ್ಶದ್ ಹುಸೇನ್ ಎಂ.ಹೆಚ್ ಪ್ರಕಟಿಸಿದ ದಿನಾಂಕ : 2008-02-27