ನ್ಯೂಯಾರ್ಕ್: ಭಾರತದ ರೋಹನ್ ಬೋಪಣ್ಣ ಮತ್ತು ಪಾಕಿಸ್ಥಾನದ ಐಸಾಮ್ ಉಲ್ ಹಕ್ ಕುರೇಶಿ ಜೋಡಿ ಯುಎಸ್ ಓಪನ್ ಕೂಟದ ಪುರುಷರ ಡಬಲ್ಸ್ ವಿಭಾಗದಲ್ಲಿ ರನ್ನರ್ ಅಪ್ ಪಟ್ಟಕ್ಕೆ ತೃಪ್ತಿ ಪಟ್ಟಿದೆ.

"ಇಂಡೊ&ಪಾಕ್ ಎಕ್ಸ್­ಪ್ರೆಸ್' ಖ್ಯಾತಿಯ ಬೋಪಣ್ಣ&ಕುರೇಶಿ ಜೋಡಿ ಶುಕ್ರವಾರ ನಡೆದ ಫೈನಲ್ ಪಂದ್ಯದಲ್ಲಿ ಆತಿಥೇಯ ಅಮೆರಿಕದ ಬಾಬ್ ಮತ್ತು ಮೈಕ್ ಬ್ರಾನ್ ಜೋಡಿ ವಿರುದ್ಧ 6-7 (5-7), 6-7 ಅಂತರದಿಂದ ವೀರೋಚಿತ ಸೋಲುಂಡಿತು.

ಇದರಿಂದ ಚೊಚ್ಚಲ ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಗೆಲುವಿನಿಂದ ಬೋಪಣ್ಣ&ಕುರೇಶಿ ವಂಚಿತರಾಗಿದ್ದಾರೆ. ಭೂಪತಿ, ಪೇಸ್ ಮತ್ತು ಸಾನಿಯಾ ಮಿರ್ಜಾ ಬಳಿಕ ಗ್ರ್ಯಾನ್ ಸ್ಲಾಮ್ ಗೆದ್ದ ನಾಲ್ಕನೇ ಭಾರತೀಯರೆನಿಸುವ ಅವಕಾಶವನ್ನೂ ಬೋಪಣ್ಣ ಕೈಚೆಲ್ಲಿದರು.

"ಯುದ್ಧ ನಿಲ್ಲಿಸಿ, ಟೆನಿಸ್ ಆರಂಭಿಸಿ' ಎಂಬ ಸಂದೇಶದೊಂದಿಗೆ ಕಣಕ್ಕಿಳಿದಿದ್ದ 16ನೇ ಶ್ರೇಯಾಂಕದ ಬೋಪಣ್ಣ - ಕುರೇಶಿ ಜೋಡಿ ಅಗ್ರ ಶ್ರೇಯಾಂಕದ ಬ್ರಾನ್ ಸಹೋದರರ ಅನುಭವದ ಎದುರು ಎಡವಿತು. ಕುರೇಶಿ ಮಿಕೆÕಡ್ ಡಬಲ್ಸ್ ಫೈನಲ್­ನಲ್ಲೂ ಸೋತಿದ್ದರು.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ವರದಿಗಾರರು : ಗಲ್ಫ್ ಕನ್ನಡಿಗ ವರದಿಗಾರರು ಪ್ರಕಟಿಸಿದ ದಿನಾಂಕ : 2010-09-11 00:00:00