ಪುಣೆ ಬಾಂಬ್ ಸ್ಫೋಟ ಆರೋಪಿ ಬಿಲಾಲ್ಗೆ ಮನೆ ಬಾಡಿಗೆ ನೀಡಿದ ಮಹಿಳೆ ಸೆರೆ |
ಪ್ರಕಟಿಸಿದ ದಿನಾಂಕ : 2010-09-11
ನಾಸಿಕ್: ಪುಣೆ ಬಾಂಬ್ ಸ್ಫೋಟ ಆರೋಪಿ ಶೇಖ್ ಲಾಲ್ಬಾಬಾ ಮೊಹಮ್ಮದ್ ಹುಸೈನ್ಗೆ ಬಾಡಿಗೆಗೆ ಮನೆ ನೀಡಿದ ಮಹಿಳೆಯನ್ನು ಪೊಲೀಸರಿಗೆ ಆತನ ಕುರಿತಾದ ವಿವರ ನೀಡದ ನೆಲೆಯಲ್ಲಿ ಬಂಧಿಸಲಾಗಿದೆ.
ಕಳೆದರಾತ್ರಿ ಗಂಗೂಬಾಯಿ ಲಕ್ಷ್ಮಣ್ ಗುಳೆÌ (65ವ.) ಎಂಬಾಕೆಯನ್ನು ಪೊಲೀಸರು ಬಂಧಿಸಿದ್ದಾರೆ. ಸಾತ್ಪುರದ ಜೀಜಾಮಾತಾ ನಗರ ನಿವಾಸಿ ಈಕೆ, ಪ್ರತಿ ತಿಂಗಳಿಗೆ 800 ರೂ.ಗೆ ಮನೆಯ ಕೊಠಡಿಯನ್ನು ಬಿಲಾಲ್ಗೆ ಬಾಡಿಗೆಗೆ ನೀಡಿದ್ದರು.
ಮನೆ ಬಾಡಿಗೆಗೆ ನೀಡುವಾಗ ಪೊಲೀಸರಿಗೆ ಬಾಡಿಗೆದಾರನ ಗುರುತು, ಭಾವಚಿತ್ರ, ಕೆಲಸ ಮಾಡುವ ಸ್ಥಳ ಮತ್ತು ಖಾಯಂ ವಿಳಾಸ ಮೊದಲಾದ ಮಾಹಿತಿ ನೀಡಿರಲಿಲ್ಲ.
ಕಳೆದ ಮೂರು ತಿಂಗಳಿನಿಂದ ಸುಳ್ಳು ಹೆಸರು ಹೇಳಿಕೊಂಡು ಬಿಲಾಲ್ ಜೀಜಾಮಾತಾ ನಗರದಲ್ಲಿ ವಾಸ್ತವ್ಯವಿದ್ದ ಎಂದು ಎಟಿಎಸ್ ಪೊಲೀಸರು ಹೇಳಿದ್ದಾರೆ.
ಹಿರಿಯ ಮಹಿಳೆ ವಿರುದ್ದ ಐಪಿಸಿ ಸೆಕ್ಷನ್ 188 ಪ್ರಕಾರ ಕೇಸು ದಾಖಲಿಸಲಾಗಿದೆ.
ಇದೇವೇಳೆ ಮನೆ ಮಾಲಕರು ಬಾಡಿಗೆದಾರರ ಒಪ್ಪಂದ ಪತ್ರಕ್ಕೆ ಸರಿಯಾದ ಸಹಿ ಪಡೆದು, ಸಮೀಪದ ಪೊಲೀಸ್ ಠಾಣೆಗೆ ಅವರ ಮಾಹಿತಿ ನೀಡಬೇಕು ಎಂಬುದಾಗಿ ಪೊಲೀಸ್ ಆಯುಕ್ತ ವಿ.ಡಿ. ಮಿಶ್ರ ವಿನಂತಿಸಿದ್ದಾರೆ
ವರದಿಯ ವಿವರಗಳು |
 |
ವರದಿಗಾರರು : ಗಲ್ಫ್ ಕನ್ನಡಿಗ ವರದಿಗಾರರು
ಪ್ರಕಟಿಸಿದ ದಿನಾಂಕ : 2010-09-11 00:00:00
|
|
|
