ಹಿಟ್ಲರ್ ಎದುರು ಹಾಡಬೇಕಿದ್ದ ಸಮಯಕ್ಕಿಂತ ಸ್ವಲ್ಪ ಮುಂಚಿತವಾಗಿ ಮರ್ಗೆರಿಗೆ ಜಾನ್ ಬ್ರೌನ್ ರಹಸ್ಯ ದಾಖಲೆಗಳನ್ನು ರವಾನಿಸಿದ್ದ. ಆಕೆ ಅವುಗಳನ್ನು ತನ್ನ ಒಳ ಚಡ್ಡಿಯ ಮಧ್ಯ ಬಚ್ಚಿಟ್ಟುಕೊಂಡೇ ಹಿಟ್ಲರ್ ಎದುರು ಹಾಡಿದ್ದಳು 

 ಲಂಡನ್ (ಪಿಟಿಐ): ಬರ್ಲಿನ್ ಒಪೇರಾ ಹೌಸ್ ನಲ್ಲಿ ಹಿಟ್ಲರ್ ನನ್ನು ಸಂತೃಪ್ತಿ ಪಡಿಸುವ ಸಲುವಾಗಿ ಹಾಡುತ್ತಿದ್ದ ಒಪೇರಾ ಗಾಯಕಿ ಯೊಬ್ಬಳು ತನ್ನ  ಒಳ ಉಡುಪಿನಲ್ಲಿ ರಹಸ್ಯ ಕಾಗದ ಪತ್ರಗಳನ್ನು ಅಡಗಿಸಿ ಇಟ್ಟುಕೊಂಡು ನಾಝಿ ಪೊಲೀಸ್ ಮುಖ್ಯಸ್ಥ ಗೆಸ್ಟಾಪೋ ನನ್ನು ವಂಚಿಸಿದ್ದ ವಿಷಯ ಇದೇ ಮೊದಲ ಬಾರಿಗೆ ಬೆಳಕಿಗೆ ಬಂದಿದೆ.

ಬ್ರಿಟ್ ಮರ್ಗೆರಿ ಬೂತ್ ಎಂಬ ಮಹಿಳೆಯ ದ್ವಿಮುಖ ಬದುಕಿನ ಅಪೂರ್ವ ಕಥೆ ಆಕೆಯ ಚಿತ್ರವನ್ನು ಹರಾಜಿಗೆ ಹಾಕಿದ ಬಳಿಕ ಇದೇ ಮೊದಲ ಬಾರಿಗೆ ಬಹಿರಂಗಗೊಂಡಿದೆ ಎಂದು 'ದಿ ಸನ್' ವರದಿ ಮಾಡಿದೆ.

ಜರ್ಮನ್ ವೈದ್ಯ ಎಗೋನ್ ಸ್ಟ್ರೋಹ್ಮ್ ಅವರನ್ನು ಮದುವೆಯಾಗಿದ್ದ ಮರ್ಗೆರಿ ದ್ವಿತೀಯ ಜಾಗತಿಕ ಸಮರ ಸ್ಫೋಟಗೊಂಡ ಸಮಯದಲ್ಲಿ ಜರ್ಮನಿಯಲ್ಲಿ ವಾಸವಾಗಿದ್ದಳು. ಗಾಯಕಿಯಾಗಿದ್ದ ಆಕೆ ಹಿಟ್ಲರ್ ಮತ್ತು ಉನ್ನತ ನಾಝಿ ಧುರೀಣರನ್ನು ಸಂತೃಪ್ತಿ ಪಡಿಸುವ ಸಲುವಾಗಿ ಬರ್ಲಿನ್ ನ ಖ್ಯಾತ ಒಪೇರಾ ಹೌಸ್ ನಲ್ಲಿ ಹಾಡುತ್ತಿದ್ದಳು.

ಆದರೆ ಇದೇ ಸಮಯದಲ್ಲಿ ಆಕೆ ಬ್ರಿಟಿಷ್ ಗೂಢಚಾರ ಜಾನ್ ಬ್ರೌನ್ ನನ್ನು ಬರ್ಲಿನ್ ನಲ್ಲಿ ಭೇಟಿ ಮಾಡಿ ನಾಝಿಗಳಿಗಾಗಿ ಕೆಲಸ ಮಾಡುವ ಬ್ರಿಟಿಷ್ ದ್ರೋಹಿಗಳ ಮಾಹಿತಿ ಸಂಗ್ರಹಿಸುತ್ತಿದ್ದಳು. ಆತ ಅತ್ಯಂತ ರಹಸ್ಯ ದಾಖಲೆಗಳನ್ನು ಮರ್ಗೆರಿಗೆ ಹಸ್ತಾಂತರಿಸು ತ್ತಿದ್ದ. ಹಿಟ್ಲರ್ ಮತ್ತು ಸಹಚರರಿಗಾಗಿ ಹಾಡುತ್ತಿದ್ದುದರಿಂದ ಮರ್ಗೆರಿ ಸಂಶಯಾತೀತ ವ್ಯಕ್ತಿಯಾಗಿದ್ದು, ದಾಖಲೆಗಳನ್ನು ರವಾನಿ ಸಲು  ಬ್ರಿಟನ್ ಪಾಲಿಗೆ 'ಅತ್ಯಂತ ಸೂಕ್ತ ಗೂಢಚಾರಿಣಿ' ಆಗಿದ್ದಳು.

ಒಂದು ಸಂದರ್ಭದಲ್ಲಿ  ಹಿಟ್ಲರ್ ಎದುರು ಹಾಡಬೇಕಿದ್ದ ಸಮಯಕ್ಕಿಂತ ಸ್ವಲ್ಪ ಮುಂಚಿತವಾಗಿ ಮರ್ಗೆರಿಗೆ ಜಾನ್ ಬ್ರೌನ್ ರಹಸ್ಯ ದಾಖಲೆಗಳನ್ನು ರವಾನಿಸಿದ್ದ. ಆಕೆ ಅವುಗಳನ್ನು ತನ್ನ ಒಳ ಚಡ್ಡಿಯ ಮಧ್ಯ ಬಚ್ಚಿಟ್ಟುಕೊಂಡೇ ಹಿಟ್ಲರ್ ಎದುರು ಹಾಡಿದ್ದಳು ಎಂದು ಆಕೆಯ ಚಿತ್ರದ ಹರಾಜು ನಡೆಸಿದ ರಿಚರ್ಡ್ ವೆಸ್ಟ್ ವುಡ್ - ಬ್ರೂಕ್ಸ್ ಹೇಳಿದರು.

'ಇದು ಅತ್ಯಂತ ಧೈರ್ಯದ ಕಾರ್ಯವಾಗಿತ್ತು. ಜಾಗತಿಕ ಯುದ್ಧ ಮುಗಿಯುವ ವೇಳೆಗೆ ಜಾನ್ ಬ್ರೌನ್ ನ ರಹಸ್ಯ ಚಟುವಟಿಕೆಗಳು ನಾಝಿಗಳಿಗೆ ಗೊತ್ತಾದವು. ಮರ್ಗೆರಿ ಬೂತ್ ಳನ್ನು ಬಂಧಿಸಿದ ಗೆಸ್ಟಾಪೋ ರಹಸ್ಯ ಹೊರಗೆಡವಲು ಚಿತ್ರಹಿಂಸೆ ನೀಡಿದ. ಆದರೆ ಆಕೆ ತುಟಿ ಬಿಚ್ಚಲಿಲ್ಲ. ಆಕೆಯಿಂದ ಯಾವುದೇ ರಹಸ್ಯವನ್ನೂ ಪಡೆದುಕೊಳ್ಳಲು ಸಾಧ್ಯವಾಗದೆ  ಗೆಸ್ಟಾಪೋ ಕೊನೆಗೆ ಬಂಧಮುಕ್ತ ಗೊಳಿಸಿದ.'

ಆಕೆ ಬರ್ಲಿನ್ ಮೇಲಿನ ವಾಯುದಾಳಿ ಸಮಯದಲ್ಲಿ ಹೇಗೋ ಪಾರಾಗಿ ಬಂದಳು. ಆದರೆ ಆಕೆಯ 'ಶೌರ್ಯದ ಕಥೆ' ಬೆಳಕಿಗೆ ಬರಲೇ ಇಲ್ಲ ಎಂದು ಬ್ರೂಕ್ಸ್ ನುಡಿದರು.

ವಿಗನ್ ನಲ್ಲಿ ಜನಿಸಿದ್ದ ಮರ್ಗೆರಿಯ ಫೋಟೋವನ್ನು ಫ್ರೀಗೆಗ್ಬೆನ್ ಸ್ಟಲಾಗ್ ಮೂರನೇ ಪಿಒಡಬ್ಲ್ಯೂ ಶಿಬಿರದಲ್ಲಿ ತೆಗೆಯಲಾಗಿತ್ತು, ಮರ್ಗೆರಿ 1952ರಲ್ಲಿ  ತನ್ನ 47ನೇ ವಯಸ್ಸಿನಲ್ಲಿ ಕ್ಯಾನ್ಸರಿನಿಂದಾಗಿ ಮೃತಳಾಗಿದ್ದಳು

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ವರದಿಗಾರರು : ಗಲ್ಫ್ ಕನ್ನಡಿಗ ವರದಿಗಾರರು ಪ್ರಕಟಿಸಿದ ದಿನಾಂಕ : 2010-09-10 00:00:00