Gulf Kannadiga - a reflection of Karnataka in the Gulf

ಪ್ರಕೃತಿ ಸಂಸ್ಕೃತಿಯ ವೈವಿಧ್ಯಮಯ ವೈಭವವೇ ಮೊಂತಿ ಉತ್ಸವ : ಫಾ| ಡೊಮಿನಿಕ್

ಮುಂಬಯಿ ಸಪ್ಟೆಂಬರ್-೦೮: ಕಥೋಲಿಕ್ ಕ್ರೈಸ್ತರು ನಿರಂತರ ಒಂಭತ್ತು ದಿನಗಳ ನೊವೆನಾ ಆರಾ ಧನೆ ನಡೆಸಿ ಪೂರ್ವ ತಯಾರಿಯಂತೆ ಪೃಕೃತಿ ಮಾತೆಯ ಹಬ್ಬವನ್ನು ಇಂದಿಲ್ಲಿ ಸಂಭ್ರಮೋಲ್ಲಾಸ ದಿಂದ ಆಚರಿಸಿದರು. ಯೇಸು ಕ್ರಿಸ್ತರ ಜನನಿದಾತೆ ಮಾತೆ ಮರಿಯಮ್ಮರ ಹುಟ್ಟುಹಬ್ಬವಾಗಿ ಸಂಭ್ರ ಮಿಸುತ್ತಿರುವ ಕನ್ಯಾಮರಿಯಮ್ಮರ ಜನ್ಮೋತ್ಸವವನ್ನು ಇಂದು ಬುಧವಾರ ಮುಂಬಯಿ ಮಹಾನಗರ ದಾದ್ಯಂತ ಕ್ರೈಸ್ತ ಭಾಂದವರು ಅದ್ದೂರಿಯಿಂದ ಸಂಭ್ರಮಿಸಿದರು.

ಮುಂಬಯಿ ಸೇರಿದಂತೆ ಮಹಾರಾಷ್ಟ್ರದಾದ್ಯಂತ ನೆಲೆಯಾಗಿರುವ ಕರ್ನಾಟಕ ಕರಾವಳಿ ಪ್ರದೇಶಗಳ ಕಥೋಲಿಕ್ ಕೈಸ್ತರು ತವರೂರ ಸಂಪ್ರದಾಯದಂತೆ ಪ್ರಕೃತಿ ಮಾತೆ ಹಾಗೂ ದೇವಮಾತೆಯನ್ನು ಆರಾಧಿಸಿ ಮಾತೆ ಮರಿಯಮ್ಮರ ಜನ್ಮೋತ್ಸವವನ್ನು ಕುರಳ್ ಪರ್ಬ, ಕೊಲು ಹಬ್ಬ, ತೆನೆಹಬ್ಬ, ಹೊಸ್ತಿನ ಹಬ್ಬ, ಬಾಲಕೀಯರ ದಿನಾಚರಣೆ ಇತ್ಯಾದಿಗಳ ಸಂಭ್ರಮಗಳೊಂದಿಗೆ `ಮೊಂತಿ ಉತ್ಸವ-೨೦೧೦'ವನ್ನು ಸಂಭ್ರಮಿಸಿದರು.

ಇಂದು ಬೆಳಿಗ್ಗೆ ಮುಂಬಯಿ ಉಪನಗರದ ವಿರಾರೋಡ್ ಪೂರ್ವದ ಸಂತ ಜೋಸೆಫ್'ಸ್ ಇಗರ್ಜಿಯ ಕೊಂಕಣಿ ಎಸೋಸಿಯೇಶನ್ ಇತರೇ ಸಂಸ್ಥೆಗಳ ಕೂಡುವಿಕೆಯಿಂದ ಅಲಂಕರಿತ ಕನ್ಯಾಕುಮಾರಿ ಮಾತೆಯ ಪ್ರತಿಮೆಗೆ ಪುಟಾಣಿಗಳು ಪುಷ್ಪಾರ್ಚನೆಗೈದು ಆರಾಧನೆಯನ್ನು ನಡೆಸಿ ನವೋಲ್ಲಾಸ ಹೊಂದುವ ಕನ್ಯಾಮರಿಯಮ್ಮರ ಜನ್ಮೋತ್ಸವವನ್ನು ಆಚರಿಸಿದರು.

ಬಳಿಕ ಅಪಾರ ಸಂಖ್ಯೆಯಲ್ಲಿ ಸೇರಿದ್ದ ಭಕ್ತರು ಮಾತೆ ಮರಿಯಮ್ಮರ ಅಲಂಕರಿತ ವೆಲಂಕಂಣಿ ಮಾತೆ ಯ ಮೂರ್ತಿಯನ್ನು ಮೀರಾರೋಡ್ ನಗರದ ರಸ್ತೆಗಳಲ್ಲಿ ಭವ್ಯ ಮೆರವಣಿಗೆಯಲ್ಲಿ ಒಯ್ದು, ಪುಷ್ಪಾರ್ಚ ನೆಗೈದು ದೇವಮಾತೆಯನ್ನು ಶ್ಲಾಘಿಸಿದರು.

ಇಗರ್ಜಿಯ ಪ್ರಧಾನ ಧರ್ಮಗುರು ರೆ| ಫಾ| ಡೊಮಿನಿಕ್ ವಾಸ್ (ಒ.ಸಿ.ಡಿ) ಇವರು ತಾಯ್ನಾಡಿನಿಂದ ತರಿಸಿಕೊಂಡ ತೆನೆಗಳನ್ನು ಆಶೀರ್ವಾದಿಸಿ ಹೊಸ‌ಅಕ್ಕಿ ಊಟ, ಹಾಗೂ ಹೊಸ ಫಲ-ಬೆಳೆಯ ಸಂಭ್ರ ಮ ಸೇರಿದಂತೆ ನವೋಲ್ಲಾಸ ಹೊಂದುವ ಕೌಟುಂಬಿಕ ಉತ್ಸವದೊಂದಿಗೆ ಜನ್ಮೋತ್ಸವದ ಸಂಭ್ರಮ ನಡೆಸಿದರು ಹಾಗೂ ಭವ್ಯ ಕೃತಜ್ಞಾತಾ ಪೂಜೆಯನ್ನು ನೆರವೇರಿಸಿ ನೆರೆದ ಭಕ್ತಾಧಿಗಳನ್ನು ಹರಸಿದ ರು.

ಫಾ| ಡೊಮಿನಿಕ್ ತಮ್ಮ ಸಂದೇಶವನ್ನೀಡಿ ``ಮೊಂತಿ ಫೆಸ್ತ್ ಎನ್ನುವುದು ಕೌಟುಂಬಿಕ ಸಾಮರಸ್ಯದ ಪ್ರತೀಕವಾಗಿದೆ. ಆದುದರಿಂದ ಕೌಟುಂಬಿಕ ಜೀವನಕ್ಕೆ ಮಹತ್ವ ನೀಡಿ ಬಾಳಿರಿ ಆ ಬದುಕೇ ಮಾನವ ಸಂಬಂಧವಾಗಿದೆ. ಫಲ-ಪುಷ್ಪಗಳು ಅರ್ಪಣೆಯ ಸಂಕೇತವಾದರೆ ಕಬ್ಬು ಆಚರಣೆಯ ಸಂಕೇತವಾಗಿ ದೆ. ಈ ಮೂಲಕ ಸಹಬಾಳ್ವೆಯ ಏಕತೆಯನ್ನು ಕಾಣಲು ಸಾಧ್ಯ. ಪರಿಸರಪ್ರೇಮವನ್ನು ಮೈಗೂಡಿಸಿ ಬಾಳಿದರೆ ಅದೇ ಪ್ರಕೃತಿ ಸಂಸ್ಕೃತಿಯ ವೈವಿಧ್ಯಮಯ ವೈಭವವನ್ನು ಸಾರುತ್ತದೆ. ಇದೇ ಮೊಂತಿ ಉತ್ಸವವೂ ಆಗಿದೆ.

ಹೆಣ್ಣು ಶಿಶುವಿನಿಂದ ಬಾಲಕಿಯರು, ಮಾತೆ-ಮಹಿಳೆಯರಿಗೆ ಗೌರವ ಸೂಚಿಸಿ ಬಾಳುವ ಉತ್ಸವ ಈ ದಿನದ ಮಹತ್ವದ್ದಾಗಿದ್ದು, ಯೇಸು ಕ್ರಿಸ್ತನ ತಾಯಿಯನ್ನು ನಾವು ಎಷ್ಟೊ೦ದು ಗೌರವಿಸುತ್ತೆವೆಯೋ ಅದೇ ಗೌರವ ನಮ್ಮ ಮಾತೆ- ಮಹಿಳೆಯರಿಗೆ ನೀಡಿ ಮಾತೃತ್ವದ ಋಣ ಪಾವತಿಸುವುದನ್ನು ಕಲಿಯಬೇಕು. ಇದೇ ಗೌರವ ಮಾತೆ ಮರಿಯಮ್ಮರಿಗೆ ಸಲ್ಲುತ್ತದೆ. ಈ ಹಬ್ಬದಿಂದ ವಿಶ್ವ ಕಲ್ಯಾಣದ ಗುರಿ ಸಾಧನೆಯನ್ನು ಅರ್ಥೈಸಿಕೊಳ್ಳಬಹುದಾಗಿದೆ'' ಎಂದು ಮೊಂತಿ ಉತ್ಸವದ ಮಹತ್ವವನ್ನು ಸಾರಿದರು.

ಅನೇಕ ದಾನಿಗಳು ಕೊಡಮಾಡಿದ್ದ ಸಂಪ್ರದಾಯಿಕವಾಗಿ ಹಂಚಲ್ಪಡುವ ಕಬ್ಬುಗಳನ್ನು ಮತ್ತು ಸಿಹಿ ತಿಂಡಿಗಳನ್ನು ಮಕ್ಕಳಿಗೆ ಹಂಚಲಾಯಿತು.

ಈ ಸಂದರ್ಭದಲ್ಲಿ ಸೈಂಟ್ ಜೋಸೆಫ್'ಸ್ ಕೊಂಕಣಿ ಎಸೋಸಿಯೇಶನ್ ಸಂಸ್ಥೆಯ ಅಧ್ಯಕ್ಷ ಜೋನ್ ಕ್ರಾಸ್ತಾ, ಉಪಾಧ್ಯಕ್ಷೆ ಶ್ರೀಮತಿ ವಾಯ್ಲೆಟ್ ಮಸ್ಕರೇನ್ಹಾಸ್, ಕಾರ್ಯದರ್ಶಿ ಜೋರ್ಜ್ ಲೊಬೋ, ಕೋಶಾಧಿಕಾರಿ ಲಾರೆನ್ಸ್ ಮಥಾಯಸ್, ಜೊತೆ ಕಾರ್ಯದರ್ಶಿ ಡೈಗೊ ರೋಡ್ರಿಗಾಸ್, ಜೊತೆ ಕೋಶಾಧಿಕಾರಿ ಅರುಣ್ ನೊರೊನ್ಹಾ, ಸಾಂಸ್ಕೃತಿಕ ಸಮಿತಿಯ ಕಾರ್ಯದರ್ಶಿ ಜೋಯ್ ಪಾಲಡ್ಕ ಮುಂತಾದವರು ಉಪಸ್ಥಿತರಿದ್ದರು.