ಬ್ರಿಟನ್:ಶೀಘ್ರವೇ ಎರಡನೇ ಹಿಂದೂಶಾಲೆ |
ಪ್ರಕಟಿಸಿದ ದಿನಾಂಕ : 2010-09-08
ಲಂಡನ್ : ಭಾರತೀಯ ಸಮುದಾಯದ ಜನರು ಹೆಚ್ಚಿನ ಸಂಖ್ಯೆಯಲ್ಲಿರುವ ಲೀಸೆಸ್ಟರ್ನ ಈಸ್ಟ್ ಮಿಡ್ಲ್ಯಾಂಡ್ ನಗರದಲ್ಲಿ ಶೀಘ್ರವೇ ಸರಕಾರಿ ಅನುದಾನದ ಹಿಂದೂ ಶಾಲೆಯೊಂದು ಅಸ್ತಿತ್ವಕ್ಕೆ ಬರಲಿದೆ. ಈ ಸಂಬಂಧಿತ ಪ್ರಸ್ತಾವನೆಗೆ ಡೇವಿಡ್ ಕ್ಯಾಮೆರೂನ್ ಅವರು ಸೋಮವಾರ ಅನುಮೋದನೆ ನೀಡಿದ್ದಾರೆ.
2008 ರಲ್ಲಿ ಲಂಡನ್ನ ಉಪನಗರ ಹ್ಯಾರೋನಲ್ಲಿ ಪ್ರಥಮವಾಗಿ ಸರಕಾರಿ ಅನುದಾನದ ಹಿಂದೂ ಶಾಲೆ ಅಸ್ತಿತ್ವಕ್ಕೆ ಬಂದಿತ್ತು. ಕೃಷ್ಣ ಆವಂತಿ ಪ್ರಾಥಮಿಕ ಶಾಲೆಯನ್ನು ಇಲ್ಲಿ ಪ್ರಾರಂಭಿಸಲಾಗಿತ್ತು. ಐ-ಫೌಂಡೇಶನ್ ಈ ಶಾಲೆಯನ್ನು ತೆರೆದಿದ್ದು, ಇದೇ ಸಂಸ್ಥೆಯು ಲೀಸೆಸ್ಟರ್ನಲ್ಲೂ ನೂತನ ಹಿಂದೂ ಶಾಲೆಯನ್ನು ಸ್ಥಾಪಿಸಲಿದೆ.
ನೂತನ ಶಾಲೆಯು 2011 ರ ವೇಳೆಗೆ ಸ್ಥಾಪನೆಗೊಳ್ಳಲಿದೆ. ಶಿಕ್ಷಣ ಇಲಾಖೆಯು ಸರಕಾರದ ಮುಂದೆ ಇರಿಸಿರುವ 2011 ರಲ್ಲಿ ಕಾರ್ಯಾರಂಭಿಸಬೇಕಿರುವ 16 ಶಾಲೆಗಳ ಪೈಕಿ ಲೀಸೆಸ್ಟರ್ನ ಹಿಂದೂ ಶಾಲೆ ಒಂದೆನಿಸಿದೆ. ಲೀಸೆಸ್ಟರ್ನ ಈ ಹಿಂದೂ ಶಾಲೆಯು ಎವಿಂಗ್ಟನ್ನಲ್ಲಿ ಸ್ಥಾಪನೆಗೊಳ್ಳಲಿದ್ದು, 4 ರಿಂದ 11ರ ವಯಸ್ಸಿನ 420 ವಿದ್ಯಾರ್ಥಿಗಳಿಗೆ ಪ್ರವೇಶಾವಕಾಶವನ್ನು ಒದಗಿಸಲಿದೆ.
ವರದಿಯ ವಿವರಗಳು |
 |
ವರದಿಗಾರರು : ಗಲ್ಫ್ ಕನ್ನಡಿಗ ವರದಿಗಾರರು
ಪ್ರಕಟಿಸಿದ ದಿನಾಂಕ : 2010-09-08 00:00:00
|
|
|
