ಸೆ.20ರಿಂದ ಪೆಟ್ರೋಲ್ ಮಾರಾಟಗಾರರ ಮುಷ್ಕರ ? |
ಪ್ರಕಟಿಸಿದ ದಿನಾಂಕ : 2010-09-06
ಹೊಸದಿಲ್ಲಿ : ಪೆಟ್ರೋಲ್ ಮತ್ತು ಡೀಸೆಲ್ ಮಾರಾಟದ ಮೇಲಿನ ಕಮಿಶನ್ ಹೆಚ್ಚಿಸದಿದ್ದರೆ ತಾವು ಸೆ.20ರಿಂದ ಅನಿರ್ದಿಷ್ಟಾವಧಿ ಮುಷ್ಕರಕ್ಕಿಳಿಯುವುದಾಗಿ ಪೆಟ್ರೋಲ್ ಮಾರಾಟಗಾರರು ಬೆದರಿಕೆಯೊಡ್ಡಿದ್ದಾರೆ.
ಕಮಿಶನ್ ಹೆಚ್ಚಿಸಬೇಕೆಂದು ಕಳೆದ ಎರಡು ವರ್ಷಗಳಿಂದ ಆಗ್ರಹಿಸುತ್ತಾ ಬಂದರೂ ಯಾವುದೇ ಪ್ರಯೋಜನವಾಗಿಲ್ಲ ಎಂದು ದೇಶದುದ್ದಕ್ಕೂ ಇರುವ 38,700 ಪೆಟ್ರೋಲ್ ಪಂಪ್ಗ್ಳನ್ನು ಪ್ರತಿನಿಧಿಸುತ್ತಿರುವ ಅಖೀಲ ಭಾರತ ಪೆಟ್ರೋಲಿಯಂ ವರ್ತಕರ ಒಕ್ಕೂಟ (ಎಫ್ಎಐಪಿಟಿ) ಹೇಳಿದೆ. ಪೆಟ್ರೋಲ್ಪಂಪ್ಗ್ಳ ನಿರ್ವಹಣೆ ವೆಚ್ಚ ಏರಿರುವುದರಿಂದ ಕನಿಷ್ಠ 5 ಶೇಕಡಾ ಕಮಿಶನ್ ಹೆಚ್ಚಿಸುವುದು ನ್ಯಾಯಸಮ್ಮತವಾಗಿದೆ ಎಂದು ಎಫ್ಎಐಪಿಟಿ ಹೇಳಿದೆ.
ಸಂಘಟನೆಯ ಬೇಡಿಕೆಗೆ ಈವರೆಗೆ ಮನ್ನಣೆ ಸಿಗಲಿಲ್ಲವಾದ್ದರಿಂದ ಮುಷ್ಕರಕ್ಕಿಳಿಯದೆ ಅನ್ಯಮಾರ್ಗವಿಲ್ಲವೆಂದಿರುವ ಎಫ್ಎಐಪಿಟಿ ತಾನು ಸೆ.20ರ ವರೆಗೆ ಕಾದು ನೋಡುವುದಾಗಿ ಪತ್ರಿಕಾ ಪ್ರಕಟನೆಯೊಂದರಲ್ಲಿ ತಿಳಿಸಿದೆ. ಇದೇ ವೇಳೆ ದೇಶದುದ್ದಕ್ಕೂ ಇಂಧನ ತೈಲದ ಬೆಲೆಯನ್ನು ಒಂದೇ ರೀತಿ ನಿಗದಿಗೊಳಿಸಬೇಕೆಂದೂ ಅದು ಒತ್ತಾಯಿಸಿದೆ.
ವರದಿಯ ವಿವರಗಳು |
 |
ವರದಿಗಾರರು : ಗಲ್ಫ್ ಕನ್ನಡಿಗ ವರದಿಗಾರರು
ಪ್ರಕಟಿಸಿದ ದಿನಾಂಕ : 2010-09-06 00:00:00
|
|
|
