ಬೆಂಗಳೂರು : ಬೆಂಗಳೂರಿನಲ್ಲಿರುವ ಬಿಎಚ್ಇಎಲ್ ಸಂಸ್ಥೆಯ ವಿದ್ಯುನ್ಮಾನ ವಿಭಾಗದ ಪ್ರಥಮ ಆಧುನಿಕ ಮಾರ್ಕ್-ಗ್ಯಾಸ್ ಟರ್ಬೈನ್ ನಿಯಂತ್ರಣ ವ್ಯವಸ್ಥೆಯನ್ನು ಓಮನ್ ಮಾರುಕಟ್ಟೆಗೆ ರವಾನಿಸಲಾಯಿತು.

ಬಿಎಚ್ಇಎಲ್­ನ ಕಾರ್ಯನಿರ್ವಾಹಕ ನಿರ್ದೇಶಕ ಜಿ.ಗಣಪತಿರಾಮನ್ ಅವರು ಈ ಆಧುನಿಕ ವ್ಯವಸ್ಥೆಯನ್ನು ಓಮನ್ನಿನ ಪೆಟ್ರೋಲಿಯಂ ಡೆವಲೆಪ್ಮೆಂಟ್ ಸಂಸ್ಥೆಯ ಅಮಲ್ ವಿದ್ಯುತ್ ಕೇಂದ್ರಕ್ಕೆ ಹಸಿರು ನಿಶಾನೆ ತೋರಿಸಿ ಬಿಡುಗಡೆ ಮಾಡಿದರು.

ಸಂಸ್ಥೆಯ ವಿದ್ಯುನ್ಮಾನ ವಿಭಾಗ ವಿವಿಧ ದರಗಳ ಅನಿಲ ಟರ್ಬೈನುಗಳಿಗೆ ಆಧುನಿಕ ಅನಿಲ ಟರ್ಬೈನ್­ಗಳ ನಿಯಂತ್ರಣ ವ್ಯವಸ್ಥೆಗಳ ವಿನ್ಯಾಸ, ಇಂಜಿನಿಯರಿಂಗ್ ಮತ್ತು ಸರಬರಾಜಿಗೆ ಸಂಪೂರ್ಣ ಸಜ್ಜುಗೊಂಡಿದೆ.

ಬಿಎಚ್ಇಎಲ್ ಎರಡು ದಶಕ ಗಳಿಗಿಂತಲೂ ಅಧಿಕ ಸಮಯದಿಂದ ಅಮೆರಿಕಾದ ಜನರಲ್ ಎಲೆಕಿóಕ್ ಸಂಸ್ಥೆ ಪರವಾನಗಿ ಪಾಲುದಾರನಾಗಿದೆ ಎಂದು ಪ್ರಕಟಣೆ ತಿಳಿಸಿದೆ.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ವರದಿಗಾರರು : ಗಲ್ಫ್ ಕನ್ನಡಿಗ ವರದಿಗಾರರು ಪ್ರಕಟಿಸಿದ ದಿನಾಂಕ : 2010-08-19 00:00:00