ಢಾಕಾ, ಜು.೨೭: ವಿದ್ಯುತ್ತಿನ ಅಭಾವವನ್ನು ಎದುರಿಸುತ್ತಿರುವ ಬಾಂಗ್ಲಾದೇಶ ೩೫ ವರ್ಷಗಳ ದೀರ್ಘಾವಧಿಯ ವಿದ್ಯುತ್ ಸಾಗಣೆಗೆ ಸಂಬಂಧಿಸಿದ ಮಹತ್ವದ ಒಪ್ಪಂದವೊಂದಕ್ಕೆ ಭಾರತ ದೊಂದಿಗೆ ಸಹಿ ಮಾಡಿದೆ. ಈ ನೂತನ ಒಪ್ಪಂದವು ೨೦೧೨ರ ಅಂತ್ಯದ ವೇಳೆಗೆ ರಾಷ್ಟ್ರವು ಭಾರತದಿಂದ ೨೫೦ ಮೆಗಾವ್ಯಾಟ್ ವಿದ್ಯುತ್ ಆಮದು ಮಾಡಿಕೊಳ್ಳಲು ಅವಕಾಶ ಒದಗಿಸಿದೆ.

ಬಾಂಗ್ಲಾದೇಶದ ಹಣಕಾಸು ಸಚಿವ ಅಬ್ದುಲ್ ಮಾಲ್ ಅಬ್ದುಲ್ ಮುಹಿತ್ ಹಾಗೂ ಪ್ರಧಾನ ಮಂತ್ರಿಯವರ ಶಕ್ತಿ ಸಂಪನ್ಮೂಲಗಳ ಸಲಹೆಗಾರ ತೌಫಿಕ್ ಇ ಇಲಾಹಿ ಚೌಧರಿ ಹಾಗೂ ಉಭಯ ದೇಶಗಳಿಗೆ ಸಂಬಂಧಪಟ್ಟ ಇಲಾಖೆಗಳ ಅಧಿಕಾರಿಗಳ ಸಮಕ್ಷಮ ನಡೆದ ಸಮಾರಂಭ ವೊಂದರಲ್ಲಿ ಬಾಂಗ್ಲದೇಶ ಇಂಧನ ಅಭಿವೃದ್ಧಿ ಮಂಡಳಿ (ಬಿಪಿಡಿಬಿ) ಮತ್ತು ಪವರ್ ಗ್ರಿಡ್ ಕಾರ್ಪೊ ರೇಶನ್ ಆಫ್ ಇಂಡಿಯ ಲಿಮಿಟೆಡ್ (ಪಿಜಿಸಿ ಐಎಲ್) ನ ಜೊತೆಗೆ ಭಾರೀ ಪ್ರಮಾಣದ ವಿದ್ಯುತ್ ಸಾಗಣೆ ಒಪ್ಪಂದಕ್ಕೆ ಸಹಿ ಮಾಡಿದೆ ಎಂದು ವರದಿ ತಿಳಿಸಿದೆ.

ಈ ಒಪ್ಪಂದದಿಂದ ಬಾಂಗ್ಲಾದೇಶವು ಭವಿಷ್ಯದಲ್ಲಿ ಭಾರತಕ್ಕೆ ವಿದ್ಯುತ್ತನ್ನು ರಫ್ತು ಮಾಡಬಹುದಾದ ಅವಕಾಶವನ್ನು ಕಾದಿರಿಸಿದೆ. ಆಗ ಪಿಜಿಸಿಐಎಲ್ ೪೦೦ಕೆವಿಯ ಡಬಲ್ ಸರ್ಕ್ಯೂಟ್ ಘಟಕವೊಂ ದನ್ನು ಸ್ವತಃ ನಿರ್ಮಿಸಿ ಅದಕ್ಕೆ ಚಾಲನೆ ಒದಗಿಸುವ ಮೂಲಕ ಉಭಯ ದೇಶಗಳ ನಡುವೆ ೫೦೦ ಮೆಗಾವ್ಯಾಟ್ ವಿದ್ಯುತ್ ವಿನಿಮಯ ನಡೆಯುವ ಸಾಧ್ಯತೆಯಿದೆ ಎನ್ನಲಾಗಿದೆ.

"ಇದೊಂದು ಸಣ್ಣ ಹೆಜ್ಜೆಯಾಗಿದೆ. ಆದರೆ ಪ್ರಾದೇಶಿಕ ಸಹಕಾರದ ಮೂಲಕ ದಕ್ಷಿಣ ಏಶ್ಯಾದ ರಾಷ್ಟ್ರಗಳು ಅಗಾಧ ಲಾಭವನ್ನು ಪಡೆಯುವ ಉತ್ತಮ ಸಿದ್ಧಾಂತವಾಗಿದೆ"ಎಂದು ಮುಹಿತ್ ಅಭಿಪ್ರಾಯಪಟ್ಟಿದ್ದಾರೆ.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ವರದಿಗಾರರು : ಸೀತಾ ಎ ಉಡುಪಿ ಪ್ರಕಟಿಸಿದ ದಿನಾಂಕ : 2010-07-28