ಆಸ್ಟ್ರೇಲಿಯಾದಲ್ಲಿ ಮತ್ತೆ ಜನಾಂಗೀಯ ದಾಳಿ; ಓದು ಮುಂದೂಡಿರುವ ಭಾರತೀಯ ಯುವಕ |
ಪ್ರಕಟಿಸಿದ ದಿನಾಂಕ : 2010-07-23
ಭಾರತೀಯ ಯುವಕನೊಬ್ಬನನ್ನು ಹೊಡೆದು ಆತನೆಡೆಗೆ ಕೋಳಿಮಾಂಸದ ತುಂಡುಗಳನ್ನು ಎಸೆದು ಹಿಂಸಿಸಿದ ಮತ್ತೊಂದು ಜನಾಂಗೀಯ ಹಲ್ಲೆ ಪ್ರಕರಣ ತಡವಾಗಿ ಬೆಳಕಿಗೆ ಬಂದಿದೆ.
ಮೆಲ್ಬರ್ನ್ (ಪಿಟಿಐ): ಬಸ್ಸಿನಲ್ಲಿ ಪ್ರಯಾಣಿಸುತ್ತಿದ್ದ ಭಾರತೀಯ ಯುವಕನೊಬ್ಬನನ್ನು ಹೊಡೆದು ಆತನೆಡೆಗೆ ಕೋಳಿಮಾಂಸದ ತುಂಡುಗಳನ್ನು ಎಸೆದು ಹಿಂಸಿಸಿದ ಮತ್ತೊಂದು ಜನಾಂಗೀಯ ಹಲ್ಲೆ ಪ್ರಕರಣ ತಡವಾಗಿ ಬೆಳಕಿಗೆ ಬಂದಿದೆ.
ಗ್ರಾಫಿಕ್ಸ್ ಕುರಿತು ವ್ಯಾಸಂಗ ಮಾಡಲು 2008ರಲ್ಲಿ ಇಲ್ಲಿಗೆ ಬಂದಿದ್ದ 24 ವರ್ಷದ ರಾಜನ್ ಕುಮಾರ್ ಕಟಕಮ್ ಹಲ್ಲೆಗೊಳಗಾದ ಯುವಕ. ಈ ರೀತಿ ಹಲ್ಲೆಗೊಳಗಾದ ನಂತರ ಹಲವು ದೈಹಿಕ ಬಾಧೆಗಳಿಗೆ ಒಳಗಾಗಿರುವ ವಿದ್ಯಾರ್ಥಿ ತನ್ನ ವ್ಯಾಸಂಗವನ್ನೇ ಮುಂದೂಡಬೇಕಾಗಿ ಬಂದಿದೆ.
‘ಫೆಬ್ರುವರಿಯ ಒಂದು ಮಧ್ಯಾಹ್ನ 2.30ರ ವೇಳೆಯಲ್ಲಿ ರೇಯಿಯಿಂದ ಫ್ರಾಂಕ್ಸ್ಟನ್ಗೆ ನಾನು ಬಸ್ನಲ್ಲಿ ಹೋಗುತ್ತಿದ್ದಾಗ ಮದ್ಯ ಸೇವಿಸಿದ್ದ ಮೂವರು ಯುವಕರು ಕಿರುಕುಳ ನೀಡಲು ಶುರು ಮಾಡಿದರು. ಇವರಲ್ಲಿ ಒಬ್ಬಾತ ನನಗೆ ಹೊಡೆಯುತ್ತಿದ್ದರೆ ಇನ್ನಿಬ್ಬರು ಕೋಳಿ ಮಾಂಸದ ತುಂಡುಗಳನ್ನು ನನ್ನತ್ತ ಎಸೆಯುತ್ತಿದ್ದರು’ ಎಂದು ಘಟನೆ ನಡೆದ ದಿನದಂದೇ ಪೊಲೀಸರಿಗೆ ನೀಡಿದ್ದ ದೂರಿನಲ್ಲಿ ರಾಜನ್ ವಿವರಿಸಿದ್ದಾರೆ.
ವರದಿಯ ವಿವರಗಳು |
 |
ವರದಿಗಾರರು : ಗಲ್ಫ್ ಕನ್ನಡಿಗ ವರದಿಗಾರರು
ಪ್ರಕಟಿಸಿದ ದಿನಾಂಕ : 2010-07-23 00:00:00
|
|
|
