ಯಾರ ಯೋಗ ಹ್ಯಾಗೆ ಇರುತ್ತದೆ ಎಂದು ಹೇಳುವುದಕ್ಕೆ ಕಷ್ಟ. ಸ್ಲಂ ಡಾಗ್ ಮಿಲಿಯನೇರ್' ಸಿನೆಮಾದಲ್ಲಿ `ರಿಂಗ್ ರಿಂಗ್ ರಿಂಗಾ..' ಹಾಡಿಗೆ ನಲಿದಾಡಿದ ಬಾಲೆ ಫ್ರೈಡಾ ಪಿಂಟೋ ಹಾಲಿವುಡ್ ತಲುಪಾಗಿದೆ.

ಅಬಾಬ್ಬಾ ಅಲ್ಲಿ ಎಂತಾ ಅವಕಾಶ ಅಂತೀರಿ ಅವಳಿಗೆ ೦೦೭ ಪಾತ್ರ. ಅಂದ್ರೆ ಲೇಡಿ ಬಾಂಡ್ ಪಾತ್ರ. ಥಂಡಾ ಥಂಡಾ ಎನ್ನುವ ಹಿನ್ನೆಲೆ ಸಂಗೀತಕ್ಕೆ ಪಿಸ್ತೂಲು ಹಿಡಿದು ಅಭಿನಯಿಸುವ ಅವಕಾಶ.

ಸ್ಲಂ ಡಾಗ್ ಚಿತ್ರದಲ್ಲಿ ಜೋಡಿಯಾಗಿ ನಟಿಸಿ ನಂತರ ಪಿಂಟೋ ಮತ್ತು ದೇವ ಪಟೇಲ್ ಪ್ರೇಮಿಗಳಾಗಿ ಪರಿವರ್ತನೆಯಾದರು. ಈಗ ಅದೇ ಇಲ್ಲಿನ ವಿಶೇಷ. ದೇವ ಪಟೇಲ್ ತಮ್ಮ ಗೆಳತಿಯ ಸಾಧನೆ ಬಗ್ಗೆ ಯದ್ವಾತದ್ವಾ ಹೆಮ್ಮೆ ಪಡುತ್ತಿದ್ದಾರೆ. `ಸುಂದರವಾದ, ವರ್ಣಿಸಲು

ಕಷ್ಟವಾದ ಖನಿ ಪಿಂಟೋ. ಇವಳ ಬಗ್ಗೆ ಮಾತಾಡಲಿಕ್ಕೆ ಆಗಲ್ಲ. ಆದರೆ ಅವಲು ಹ್ಯಾಗೇ ಬಾಂಡ್ ಪಾತ್ರ ಮಾಡಬಹುದು ಎನ್ನುವ ನಿರೀಕ್ಷೆ ಇದೆ' ಎಂದಿದ್ದಾರೆ.

ಇಲ್ಲೊಂದು ಆತಂಕವು ದೇವ್ ಪಟೇಲ್‌ಗೆ ಇದೆ. ಅದೇನೆಂದರೆ, ಪಿಸ್ತೂಲು ಹಿಡಿದು ಬರುವ ಫ್ರೈಡಾ ತನ್ನ ಮೇಲೆ ಗೋಲಿ ಹೊಡೆದರೆ? ಸಾರಿ, ತನ್ನ ಮೇಲಲ್ಲ, ತನ್ನ ಲವ್‌ಗೆ ಗೋಲಿ ಹೊಡೆದು ಹಾಲಿವುಡ್‌ನಲ್ಲಿ ಬೇರೆಯವರ ಜೊತೆ ಹಾಡು ಹೇಳುತ್ತ ಕುಳಿತರೆ? ಮತ್ತೊಂದು ಗೆಳತಿ ಸಿಗುವವ ರೆಗೆ ಖಾಲಿ ಕೈ ಆಗುತ್ತದಲ್ಲ ಎಂದು. ಇದಕ್ಕೆ ಪ್ರತಿಯಾಗಿ ಪಿಂಟೋ `ಇಲ್ಲ ಅಂಥದೇನು ಆಗುವುದಿಲ್ಲ. ಭಯ ಬೀಳಬೇಡಿ. ನಿಮಗೆ ಕೈಕೊಡುವುದಿಲ್ಲ.

ನಿಮ್ಮ ಕೈಯಲ್ಲಿ ನಾನು ಭದ್ರ. ಈಗ ಪ್ರೋತ್ಸಾಹಿಸುವಂತೆ ಲೇಡಿ ಬಾಂಡ್ ಆದ್ಮೇಲು ಸಹಕರಿಸಿ ಎಂದಿದ್ದಾರೆ'. ಏನೇ ಆಗಲಿ, ಲೇಡಿ ಬಾಂಡ್, ಹಾಲುಗಲ್ಲದ ದೇವ್ ಪಟೇಲ್ `ಜೊತೆಯಾಗಿ ಹಿತವಾಗಿ' ಇರಲಿ.

Indian actress Freida Pinto will romance Hollywood heartthrob Daniel Craig in the next 007 movie as she steps into the coveted shoes of a Bond girl.