ವೆಟಿಕನ್ ನಗರ, ಮಾ.೨೦: ಮಕ್ಕಳನ್ನು ಲೈಂಗಿಕವಾಗಿ ದುರುಪಯೋಗಿಸಲಾದ ಪ್ರಕರಣಗಳು ನಾಚಿಕೆಗೇಡಿನ ಹಾಗೂ ವಿಷಾದಕರ ಘಟನೆಗಳಾಗಿವೆ ಎಂದು ಪತ್ರವೊಂದರಲ್ಲಿ ಹೇಳಿರುವ ಹದಿನಾಲ್ಕನೇ ಪೋಪ್ ಬೆನೆಡಿಕ್ಟ್ ಅವರು, ಐರಿಷ್ ಬಿಷಪರು ತಮ್ಮ ವಿರುದ್ಧದ ಆರೋಪಗಳಿಗೆ ಸ್ಪಂದಿಸುವಲ್ಲಿ ಬಹಳ ಗಂಭೀರ ಪ್ರಮಾದ ಎಸಗಿದ್ದಾರೆ ಎಂದು ಹೇಳಿದ್ದಾರೆ.

‘ನೀವು ನಿಜಕ್ಕೂ ಬಹಳ ಗಂಭೀರವಾದ ತಪ್ಪನ್ನು ಮಾಡಿರುವಿರಿ ಮತ್ತು ನಾನು ಅದಕ್ಕಾಗಿ ತೀವ್ರವಾಗಿ ವಿಷಾದಿಸುತ್ತೇನೆ’ ಎಂದು ಪೋಪ್ ಅವರು ಐರಿಷ್ ಕ್ಯಾಥೋಲಿಕ್‌ಗಳಿಗೆ ಸಹಿ ಹಾಕಿ ಬರೆದಿರುವ ಪತ್ರದಲ್ಲಿ ಹೇಳಿದ್ದಾರೆ. ಆ ಪತ್ರವನ್ನು ಬಹಿರಂಗಗೊಳಿಸ ಲಾಗಿದೆ.

ಪಾದ್ರಿಗಳು ಹಾಗೂ ಧಾರ್ಮಿಕ ಕಾರ್ಯಕರ್ತರು ಮಕ್ಕಳನ್ನು ಲೈಂಗಿಕವಾಗಿ ದುರುಪಯೋಗಿಸಿದ ಆರೋಪಕ್ಕೆ ಗುರಿಯಾದಾಗ ಆ ಬಗ್ಗೆ ವಿಚಾರಣೆ ನಡೆಸಲು ರೂಪಿಸಲಾಗುವ ನ್ಯಾಯ ಮಂಡಳಿಗಳ ಮುಂದೆ ಹಾಜರಾಗಿ ಸಮರ್ಪಕ ಉತ್ತರ ನೀಡಬೇಕು ಎಂದು ಪೋಪ್ ಕಟುವಾಗಿ ಹೇಳಿದ್ದಾರೆ.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ವರದಿಗಾರರು : ಗಲ್ಫ್ ಕನ್ನಡಿಗ ವರದಿಗಾರರು ಪ್ರಕಟಿಸಿದ ದಿನಾಂಕ : 2010-03-21