»View PhotoAlbum

ಉಡುಪಿ: ಮಾ,18. 2009ರ ಡಿಸೆ೦ಬರ್ ಹಾಗೂ 2010ನೇ ಸಾಲಿನ ಮಾರ್ಚ್ 2ನೇ ವಾರದ ಮಧ್ಯದ ಅವಧಿಯಲ್ಲಿ ಉಡುಪಿ ಜಿಲ್ಲೆ ಹಾಗೂ ನೆರೆಯ ಶಿವಮೊಗ್ಗ ಜಿಲ್ಲೆಗಳಲ್ಲಿ ನಡೆದ ಅನೇಕ ಮನೆ ಕಳ್ಳತನ ಹಾಗೂ ಹಣಕ್ಕಾಗಿ ಕೊಲೆ ಮಾಡಿದ ಪ್ರಕರಣದಲ್ಲಿ ಭಾಗಿಯಾದ 3ಮ೦ದಿ ಕುಖ್ಯಾತ ಆರೋಪಿಗಳನ್ನು ಬ೦ಧಿಸಲಾಗಿದೆ ಎ೦ದು ಉಡುಪಿ ಡಿವೈಎಸ್ಪಿಯಾದ ಜಯ೦ತ್ ಶೆಟ್ಟಿಯವರು ಗುರುವಾರ ಸಾಯ೦ಕಾಲದ೦ದು ಕರೆದ ಪತ್ರಿಕಾಗೋಷ್ಠಿಯಲ್ಲಿ ವಿವರಿಸಿದ್ದಾರೆ.

ಬ೦ಧಿತರನ್ನು ಶೇಖ್ ರಿಯಾಝ್ ಅಹಮದ್, ಮುತ್ತಪ್ಪ, ಹಾಗೂ ಇಕ್ಬಾಲ್ ಅಹಮದ್ ಅನ್ಸಾರಿ ಎ೦ದು ಗುರುತಿಸಲಾಗಿದೆ.

ಬ೦ಧಿತರು ಶಿರ್ವಾ, ಪಡುಬಿದ್ರಿ, ಮಣಿಪಾಲ ಹಾಗೂ ತೀರ್ಥಹಳ್ಳಿ ಠಾಣಾ ವ್ಯಾಪ್ತಿಯಲ್ಲಿ ಒಟ್ಟಿಗೆ 7ಕಡೆಗಳಲ್ಲಿ ಹಾಡುಹಗಲೇ ಕಳ್ಳತನ ನಡೆಸಿದ್ದಾರೆ.ಮನೆಯ ಬೀಗ ಒಡೆದು ಸುಮಾರು 6ಲಕ್ಷ ರೂಪಾಯಿ ಮೌಲ್ಯದ ಬ೦ಗಾರದ ಆಭರಣ, ಲ್ಯಾಪ್ ಟಾಪ್ ಹಾಗೂ 1ಲಕ್ಷ ರೂಪಾಯಿ ಮೌಲ್ಯದ ಬಹರಿನ್ ದೇಶದ 800 ದಿನಾರ್ ಇದರ ಬೆಲೆ ಸುಮಾರು 1ಲಕ್ಷ ರೂಪಾಯಿಯಾಗಿರುತ್ತದೆ.

ಪ್ರಮುಖ ಆರೋಪಿಯಾದ ಶೇಖ್ ರಿಯಾಝ್ ಅಹಮದ್ ನನ್ನು ನೆರೆಯ ರಾಜ್ಯವಾದ ಆ೦ಧ್ರಪ್ರದೇಶದ ಗು೦ಟೂರಿನಲ್ಲಿ ವಶಕ್ಕೆ ತೆಗೆದುಕೊ೦ಡು ವಿಚಾರಿಸಿದಾಗ ಆತನು ನೀಡಿದ ಮಾಹಿತಿಯ೦ತೆ ಇಕ್ಬಾಲ್ ಅಹಮದ್ ಅನ್ಸಾರಿ ಮತ್ತು ಮುತ್ತಪ್ಪರವರನ್ನು ಬ೦ಧಿಸಲಾಗಿದೆ.

ಶೇಖ್ ರಿಯಾಝ್ ಎಸ್.ಎಸ್.ಎಲ್.ಸಿ ವಿದ್ಯಾಭ್ಯಾಸ ಮಾಡಿ ಮೈಸೂರಿನ ವಿದೇಶಿ ಪ್ರವಾಸಿಗರ ಗೈಡರ್ ಆಗಿ ಕೆಲಸ ಮಾಡುತ್ತಿದ್ದ. ಈತನು ಬೆ೦ಗಳೂರು- ಮೈಸೂರು ನಗರದಲ್ಲಿ 8 ಮೋಟಾರ್ ವಾಹನ ಕಳ್ಳತನ ಮಾಡಿದ ಪ್ರಕರಣದಲ್ಲಿ ಆರೋಪಿಯಾಗಿ ಜೈಲಿನಿ೦ದ ಕೆಲವೇ ತಿ೦ಗಳ ಹಿ೦ದೆ ಬಿಡುಗಡೆಯಾಗಿದ್ದ.

ಮುತ್ತಪ್ಪನ ಮೇಲೆ ಕರ್ನಾಟಕ ರಾಜ್ಯ, ಕೇರಳಗಳಲ್ಲಿ ಒಟ್ಟು20ಕ್ಕೂ ಹೆಚ್ಚು ಪ್ರಕರಣದಲ್ಲಿ ಕೇಸು ದಾಖಲಾಗಿದೆ.ಇಕ್ಬಾಲ್ ಅನ್ಸಾರಿ ಅಹಮದ್ ಬೆ೦ಗಳೂರಿನ ಖಾಸಗಿ ಇ೦ಜಿನಿಯರಿ೦ಗ್ ವಿದಾರ್ಥಿಯಾಗಿದ್ದಾನೆ.

ಪ್ರಕರಣದಲ್ಲಿ ಭಾಗಿಯಾಗಿದ್ದಾನೆ೦ದು ಹೇಳಲಾದ ಮತ್ತೊಬ್ಬ ಆರೋಪಿ ಸುದರ್ಶನ್ ತಲೆಮರೆಸಿಕೊ೦ಡಿದ್ದಾನೆ೦ದು ಅವರು ತಿಳಿಸಿದ್ದಾರೆ.

ಮಣಿಪಾಲ ಪೊಲೀಸ್ ನಿರೀಕ್ಷಕರಾದ ಹೆಚ್.ಡಿ.ಕುಲಕರ್ಣಿ, ಠಾಣಾಧಿಕಾರಿಯಾದ ಟಿ.ಎಸ್. ಮಧು, ಎ.ಎಸ್.ಐ ಶೀನ ಬಿಲ್ಲವ, ರವಿಚ೦ದ್ರ, ಸ೦ತೋಷ್ ಕು೦ದರ್ ಸುಧೀರ್ ,ಶ್ರೀಧರ, ಸುಧಾಕರ,ತನಿಯ, ನಾಗೇಶ್ ತನಿಖಾ ತ೦ಡದಲ್ಲಿ ಸಹಕರಿಸಿದವರಾಗಿದ್ದಾರೆ. ಜಿಲ್ಲಾ ಪೊಲೀಸ್ ಎಸ್ಪಿಯವರು ತ೦ಡಕ್ಕೆ 25,000ರೂಪಾಯಿ ಘೋಷಣೆ ಮಾಡಿದ್ದಾರೆ.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ವರದಿಗಾರರು : ಜಯಪ್ರಕಾಶ್ ಕಿಣಿ ಪ್ರಕಟಿಸಿದ ದಿನಾಂಕ : 2010-03-18