ಪಡುಬಿದ್ರಿ: ಯುಪಿಸಿಎಲ್ ಪ್ರಾಯೋಗಿಕ ಕಾರ್ಯಾಚರಣೆ ಆರ೦ಭ |
ಪ್ರಕಟಿಸಿದ ದಿನಾಂಕ : 2010-03-11
ಪಡುಬಿದ್ರಿ, ಮಾ. ೧೦: ರಾಜ್ಯ ಸರಕಾರದ ಮಹತ್ವಾಕಾಂಕ್ಷಿ ವಿದ್ಯುತ್ ಯೋಜನೆ, ನಂದಿಕೂರಿನ ಯುಪಿಸಿಎಲ್(ಉಡುಪಿ ಪವರ್ ಕಾರ್ಪೊರೇಷನ್ ಲಿ.)ನಲ್ಲಿ ಬುಧವಾರ ಸಂಜೆ ವಿದ್ಯುತ್ ಉತ್ಪಾ ದನಾ ಪೂರ್ವಭಾವಿಯಾಗಿ ಬಾಯ್ಲರ್ನಲ್ಲಿ ನೀರನ್ನು ಕುದಿಸಲಾಯಿತು.
ಡೀಸೆಲ್ ಉರಿಸುವ ಮೂಲಕ ಕಂಪೆನಿಯು ಈ ಕಾರ್ಯವನ್ನು ಆರಂಭಿಸಿದ್ದು, ಆ ವೇಳೆ ಪಡುಬಿದ್ರಿ ಸುತ್ತಮುತ್ತಲಿನ ಪ್ರದೇಶದಲ್ಲಿ ಮೊತ್ತಮೊದಲ ಬಾರಿಗೆ ಧೂಮರಾಶಿ ಕಂಡು ಬಂದಿತ್ತು. ಇದು ಮುಂದುವರಿಯಲಿದೆ.
ಹಬೆಯನ್ನು ಏರಿಸುವ ಮೂಲಕ ಉಡುಪಿ ಪವರ್ ಕಾರ್ಪೊರೇಶನ್ ತನ್ನ ವಿದ್ಯುತ್ ಉತ್ಪಾದನೆ ಯ ಮೊದಲ ಮಜಲನ್ನು ಪ್ರವೇಶಿಸಿದೆ. ಈ ಮೂಲಕ ಟರ್ಬೈನ್ಗೆ ಜೋಡಿಸಲ್ಪಟ್ಟ ಎಲ್ಲ ಪೈಪ್ ಲೈನ್ಗಳ ಪರಿಶೀಲನೆ ನಡೆಸಲಾಗುತ್ತಿದೆ. ಮುಂದಿನ ದಿನಗಳಲ್ಲಿ ಈ ಕಾರ್ಯವು ನಿರಂತರವಾಗಿ ನಡೆದು ಆ ಬಳಿಕ ವಿದ್ಯುತ್ ಉತ್ಪಾದನೆಗಾಗಿ ಜನರೇಟರನ್ನು ಚಾಲನೆಗೊಳಿಸಲಾಗುವುದೆಂದು ಮೂಲಗಳು ತಿಳಿಸಿವೆ.
ವರದಿಯ ವಿವರಗಳು |
 |
ಕೃಪೆ : ಉದಯವಾಣಿ
ವರದಿಗಾರರು : ಸೀತಾ ಎ ಉಡುಪಿ
ಪ್ರಕಟಿಸಿದ ದಿನಾಂಕ : 2010-03-11 00:00:00
|
|
|
