ನೆಲ್ಯಾಡಿ, ಮಾ. ೨: ಕಳೆದ ೨ ವರ್ಷಗಳಿಂದ ಸೌದಿ ಅರೇಬಿಯಾ ಜೈಲಿನಲ್ಲಿರುವ ಟ್ರಕ್ ಚಾಲಕ ನೆಲ್ಯಾಡಿಯ ಸುಲೇಮಾನ್ ಅಬುಬಕ್ಕರ್ ಅವರು ಶೀಘ್ರವೇ ಬಿಡುಗಡೆಯಾಗಲಿದ್ದಾರೆ.

ಭಾರತ ಹಾಗೂ ಸೌದಿ ಅರೇಬಿಯಾ ನಡುವೆ ಆದ ದ್ವಿಪಕ್ಷೀಯ ಒಪ್ಪಂದದಲ್ಲಿ ಜೈಲುವಾಸಿಗಳ ವಿಮೋಚನೆಯೂ ಸೇರಿದೆ. ಜಮೀಲಾ ಹಾಗೂ ಐವರು ಮಕ್ಕಳನ್ನು ಹೊಂದಿರುವ ಸುಲೇಮಾನ್ ಟ್ರಕ್ ಚಾಲಕನಾಗಿ ವೀಸಾ ಪಡೆದು ೨೦೦೮ರಲ್ಲಿ ಸೌದಿಗೆ ಹೋಗಿದ್ದರು. ಅಲ್ಲಿ ರಸ್ತೆಬದಿ ನಿಲ್ಲಿಸಿದ್ದ ಇವರ ಟ್ರಕ್‌ಗೆ ಕಾರೊಂದು ಢಿಕ್ಕಿ ಹೊಡೆದು ಕಾರಿನಲ್ಲಿದ್ದ ೬ ಮಂದಿ ಸೌದಿ ಪ್ರಜೆಗಳು ಮೃತ ಪಟ್ಟಿದ್ದರು. ವಿಚಾರಣೆ ನಡೆದು ನ್ಯಾಯಾಲಯದಲ್ಲಿ ಸುಮಾರು ೭೫ ಲಕ್ಷ ರೂ. ದಂಡ ಕಟ್ಟಲು ವಿಫಲವಾದಾಗ ಅವರನ್ನು ಜೈಲಿಗೆ ಹಾಕಲಾಗಿತ್ತು.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ವರದಿಗಾರರು : ಸೀತಾ ಎ ಉಡುಪಿ ಪ್ರಕಟಿಸಿದ ದಿನಾಂಕ : 2010-03-03 00:00:00