ಕುವೈಟ್, ಅಕ್ಟೋಬರ್ ೧೭:  ಕುವೈಟ್ ಶಿಕ್ಷಣ ಪ್ರಾಧಿಕಾರ ಬರುವ ಶೈಕ್ಷಣಿಕ ವರ್ಷದಿಂದ ಅರಬ್, ದ್ವಿಭಾಷಾ ಹಾಗೂ ವಿದೇಶೀ ಖಾಸಗಿ ಶಾಲೆಗಳ ಶಿಕ್ಷಣಾ ಶುಲ್ಕವನ್ನು ಸುಮಾರು 20%ದವರೆಗೆ ಏರಿಸಲು ನಿರ್ಧರಿಸಿದೆ. ಈ ಸಂಸ್ಥೆಗಳು ತಮ್ಮ ಶುಲ್ಕ ಏರಿಕೆಗೆ ಪೂರಕವಾದ ನೀಲನಕ್ಷೆಯನ್ನು ಪರಿಶೀಲಿಸಿದ ನಂತರ ಪ್ರಾಧಿಕಾರ ಈ ನಿರ್ಣಯಕ್ಕೆ ಬಂದಿದೆ.  ಭಾರತೀಯ, ಪಾಕಿಸ್ತಾನಿ ಹಾಗೂ ಅರಬ್ ಖಾಸಗಿ ಶಾಲೆಗಳ ಶಿಕ್ಷಣ ಶುಲ್ಕ 20% ದಷ್ಟು ಮುಂದಿನ ಶೈಕ್ಷಣಿಕ ವರ್ಷದಿಂದ ಏರಲಿದ್ದು ವಿದೇಶಿ ಶಾಲೆಗಳು ತಮ್ಮ ಬೇಡಿಕೆಯ ನೀಲನಕ್ಷೆಯನ್ನು ನವೆಂಬರ್ 15ರ ನಂತರ ಪ್ರಾಧಿಕಾರಕ್ಕೆ ಮಂಡಿಸಲಿವೆ.

ಸಧ್ಯಕ್ಕೆ ಬಡ್ತಿ ಹೊಂದಿ ಉನ್ನತ ಸ್ಥಾನಗಳಿಗೆ ಏರಲಿರುವ ಅಬ್ಯರ್ಥಿಗಳ ಪಟ್ಟಿ ಬಹಳ ದೊಡ್ಡದಿದ್ದು ಪ್ರಾಧಿಕಾರ ಇದರಲ್ಲಿ ಅತಿಮುಖ್ಯ ಸ್ಥಾನಗಳಿಗೆ ಮಾತ್ರ ಪ್ರಾಮುಖ್ಯತೆ ನೀಡಲಿದೆ.  ಪ್ರಾಧಿಕಾರದ ಮುಖ್ಯ ಕಾರ್ಯದರ್ಶಿ ಶ್ರೀ ಮೊಹಮ್ಮದ್ ಅಲ್ ಕಂದಾರಿಯವರು ಅಧಿಕೃತ ಆಜ್ಞೆ ಹೊರಡಿಸಿದ್ದಾರೆ. ಆಯ್ಕೆಯಾದ ಅಬ್ಯರ್ಥಿಗಳ ಪಟ್ಟಿಯನ್ನು ನವೆಂಬರ್ ತಿಂಗಳಲ್ಲಿ ಪ್ರಕಟಿಸಲಾಗುವುದು, ನಂತರ ಅವರ ಲಿಖಿತ ಪರೀಕ್ಷೆ ನಡೆಯುವುದು ಎಂದು ಅವರು ತಿಳಿಸಿದ್ದಾರೆ. 

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ಕುವೈಟ್ ಟೈಮ್ಸ್ ವರದಿಗಾರರು : ಅರ್ಶದ್ ಹುಸೇನ್ ಎಂ.ಹೆಚ್ ಪ್ರಕಟಿಸಿದ ದಿನಾಂಕ : 2007-10-17