»View PhotoAlbum

ಜೆದ್ದಾ: (ಸೌದಿ ಅರೆಬಿಯಾ) ಫೆಬ್ರವರಿ ೨೩ : ಇಂಡಿಯಾ ಫ್ರಟೆರ್ನಿಟಿ ಫೋರಮ್ ಆರೋಗ್ಯ ಜಾಗೃತಿ ಅಭಿಯಾನದ ಅಭಿಯಾನದ ಅಂಗವಾಗಿ ಹಮ್ಮಿಕೊಂಡಿರುವ "ಹೆಲ್ತಿ ಲೈಫ್ ಹ್ಯಾಪಿ ಲೈಫ್" ಫುಟ್ಬಾಲ್ ಸರಣಿಗೆ ಭಾರತೀಯ ದೂತಾವಾಸದ ಹಿರಿಯ ಅಧಿಕಾರಿ ಸಯೀದ್ ಅಹಮದ್ ಬಾಬಾ ಚಾಲನೆ ನೀಡಿದರು.

ಜೆದ್ದಾ ನಗರದ ಅಲ್ ಬದರ್ ಫುಟ್ಬಾಲ್ ಕ್ರೀಡಾಂಗಣದಲ್ಲಿ ನಡೆದ ಉದ್ಘಾಟನಾ ಕಾರ್ಯಕ್ರಮ ದಲ್ಲಿ ಈ ಸರಣಿಯಲ್ಲಿ ಭಾಗವಹಿಸುವ ಸೌದಿ ಅರೇಬಿಯಾದ ವಿವಿಧ ತಂಡಗಳು ಪಾಲ್ಗೊಂಡಿದ್ದವು. ಆರು ವಾರಗಳ ಕಾಲ ನಡೆಯುವ ಈ ಫುಟ್ಬಾಲ್ ಸರಣಿಯ ಫೈನಲ್ ಪಂದ್ಯ ಮಾರ್ಚ್ ೧೯ ರಂದು ನಡೆಯಲಿದೆ. ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಸಯೀದ್ ಅಹಮದ್ ಬಾಬಾ ಅನಿವಾಸಿ ಭಾರತೀಯರು ದುಡಿಮೆಯ ಜೊತೆಗೆ ಕ್ರೀಡಾ ಕ್ಷೇತ್ರದತ್ತ ಹೆಚ್ಚು ಒತ್ತು ನೀಡು ವುದರ ಜೊತೆಗೆ ತಮ್ಮ ದೈಹಿಕ ಮತ್ತು ಮಾನಸಿಕ ಆರೋಗ್ಯವನ್ನು ಕಾಪಾಡಿಕೊಳ್ಳುವಂತೆ ಕರೆ ನೀಡಿದರು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಐ.ಎಫ್.ಎಫ್.ನ ಜೆದ್ದಾ ವಿಭಾಗದ ಸಂಯೋಜಕರಾದ ಅಬ್ದುಲ್ ಘನಿ ವಹಿಸಿದ್ದರು. ಜನಾಬ್ ಸುಹೈಲ್ ಕಂದಕ್ ಸ್ವಾಗತಿಸಿದರೆ ಜನಾಬ್ ಇಕ್ಬಾಲ್ ಚೆಂಬೂರ್ ವಂದಿಸಿದರು.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ಅಶ್ರಫ್ ಮಂಜ್ರಾಬಾದ್. ಸೌದಿ ಅರೇಬಿಯಾ. ವರದಿಗಾರರು : ಸೀತಾ ಎ ಉಡುಪಿ ಪ್ರಕಟಿಸಿದ ದಿನಾಂಕ : 2010-02-24 00:00:00