ಭಾರತೀಯ ವಿದ್ಯಾರ್ಥಿಗಳ ಮೇಲೆ ಆಸ್ಟ್ರೇಲಿಯಾದಲ್ಲಿ ನಡೆಯುತ್ತಿರುವ ದಾಳಿಗಳಿಂದ ತಪ್ಪಿಸಿಕೊಳ್ಳಲು ಬಡವರಂತೆ ಕಾಣಿಸಿಕೊಳ್ಳಬೇಕೆಂದು ವಿಕ್ಟೋರಿಯಾದ ಹಿರಿಯ ಪೊಲೀಸ್ ಅಧಿಕಾರಿ ಸೈಮನ್ ಓವರ್‌ಲೆಂಡ್ ಕರೆ ನೀಡಿರುವಂತೆಯೇ ಈ ಹೇಳಿಕೆ ವ್ಯಾಪಕ ಟೀಕೆಗೆ ಗುರಿಯಾಗಿದೆ. 

ಮೆಲ್ಬರ್ನ್(ಪಿಟಿಐ): ಸಾರ್ವಜನಿಕ ಸ್ಥಳಗಳಲ್ಲಿ ಬೆಲೆಬಾಳುವ ಗಡಿಯಾರ, ಐಪಾಡ್, ಆಭರಣ ಇತ್ಯಾದಿಗಳನ್ನು ಪ್ರದರ್ಶಿಸದೇ ಸಾಧ್ಯವಾದಷ್ಟು ಬಡವರಂತೆ ಕಾಣಿಸಿಕೊಂಡರೆ ಮಾತ್ರ ದಾಳಿಗೆ ಕಡಿವಾಣ ಹಾಕಬಹುದು ಎಂದು ಸೈಮನ್ ಹೇಳಿದ್ದಾರೆ.

‘ಔದ್ಯೋಗಿಕ ವಲಯದಲ್ಲೂ ವಿದೇಶಿಯರ ಶೋಷಣೆ’
 
ಭಾರತೀಯರು ಸೇರಿದಂತೆ ವಿದೇಶಿಯರನ್ನು ಆಸ್ಟ್ರೇಲಿಯಾದ ಉದ್ಯೋಗ ವಲಯ ಕೂಡ ಶೋಷಿಸುತ್ತಿದ್ದು ಇದರ ವಿರುದ್ಧ ದೂರು ನೀಡಲು ಕೂಡ ಹಿಂಜರಿಯುವಂಥ ಪರಿಸ್ಥಿತಿ ನಿರ್ಮಾಣವಾಗಿದೆ ಎಂದು ಪಶ್ಚಿಮ ಆಸ್ಟ್ರೇಲಿಯಾದ ರಾಜಕಾರಣಿಯೊಬ್ಬರು ತಿಳಿಸಿದ್ದಾರೆ. 
 
ಸಾಗರೋತ್ತರ ವಿದ್ಯಾರ್ಥಿಗಳ ರಕ್ಷಣೆಗಾಗಿ ಕಾನೂನಿನಲ್ಲಿ ಅವಕಾಶವಿದ್ದರೂ ಅವುಗಳ ಬಗ್ಗೆ ಹೆಚ್ಚಿನ ವಿದೇಶಿಯರಿಗೆ ಅರಿವಿಲ್ಲ ಎಂದು ಲೇಬರ್ ಪಕ್ಷದ ಶಾಸಕ ಜಾನ್ ಹೈಡ್ ಅಭಿಪ್ರಾಯಪಟ್ಟಿದ್ದಾರೆ.

ಭಾರತೀಯ ಉದ್ಯೋಗಿಯೊಬ್ಬನನ್ನು ಸುಮಾರು 18 ತಿಂಗಳುಗಳವರೆಗೆ ಸಂಬಳ ಕೊಡದೆ ದುಡಿಸಿಕೊಳ್ಳಲಾಗಿತ್ತು ಎಂದು ಅವರು  ಉದಾಹರಣೆ ನೀಡಿದರು. 

ಅಲ್ಲದೆ ವಿದೇಶಿ ವಿದ್ಯಾರ್ಥಿಗಳು ಸಾರ್ವಜನಿಕ ಸಾರಿಗೆ ಹಾಗೂ ತಡರಾತ್ರಿ ಸಂಚಾರವನ್ನು ತಪ್ಪಿಸುವುದರಿಂದ ಕೂಡ ದಾಳಿಗೆ ಕಡಿವಾಣ ಹಾಕಬಹುದು ಎಂದು ಅವರು ಅಭಿಪ್ರಾಯಪಟ್ಟಿರುವುದನ್ನು ಇಲ್ಲಿನ ಪತ್ರಿಕೆಯೊಂದು ಉಲ್ಲೇಖಿಸಿದೆ.

ಆದರೆ ಈ ಹೇಳಿಕೆಯನ್ನು ಭಾರತೀಯ ವಿದ್ಯಾರ್ಥಿಗಳ ಸಂಘಟನೆಯ ಒಕ್ಕೂಟ(ಫೀಸಾ) ಖಂಡಿಸಿದ್ದು ಇದೊಂದು ಹಾಸ್ಯಾಸ್ಪದ ಹೇಳಿಕೆ ಎಂದಿದೆ.

“ಭಾರತೀಯರಿಗೆ ಶ್ರೀಮಂತರಾಗುವ ಅವಕಾಶಗಳೇ ಇಲ್ಲವೇ ಅಥವಾ ಅವರೆಲ್ಲ ಪೂರ್ಣ ಶ್ರೀಮಂತ ಕುಟುಂಬಗಳಿಂದ ಬಂದವರೆ? ಎಲ್ಲರೂ ಬಡವರಂತೆ ಕಾಣಿಸಿಕೊಳ್ಳಬೇಕೆನ್ನುವ ಪೊಲೀಸರು ಮತ್ತೊಂದೆಡೆ ಆಸ್ಟ್ರೇಲಿಯಾದ ಬಡ ಪ್ರದೇಶಗಳಲ್ಲಿ ವಾಸಿಸಬೇಡಿ ಎಂದು ಕರೆ ನೀಡಿದ್ದಾರೆ. ಓವರ್‌ಲೆಂಡ್ ಏನು ಹೇಳುತ್ತಿದ್ದಾರೋ ಅರ್ಥವಾಗುತ್ತಿಲ್ಲ.” ಎಂದು ಫೀಸಾ ವಕ್ತಾರ ಗೌತಮ್ ಗುಪ್ತಾ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ತಪ್ಪಿತಸ್ಥರನ್ನು ಹುಡುಕುವ ಬದಲು ದಾಳಿಗೀಡಾದವರನ್ನೇ ದೂಷಿಸುವಂತಿದೆ ಈ ಹೇಳಿಕೆ ಎಂದು ಅವರು ಖಂಡಿಸಿದ್ದಾರೆ.

ಪ್ರಧಾನಿ ಸಮರ್ಥನೆ: ಓವರ್‌ಲೆಂಡ್ ಹೇಳಿಕೆಯನ್ನು ವಿಕ್ಟೋರಿಯಾ ಪ್ರಧಾನಿ ಜಾನ್ ಬ್ರಂಬಿ ಸಮರ್ಥಿಸಿಕೊಂಡಿದ್ದಾರೆ. ಹಿಂಸೆ ತಡೆಯುವ ನಿಟ್ಟಿನಲ್ಲಿ ಅನುಸರಿಸಬೇಕಾದ ಮುಂಜಾಗ್ರತೆ ಕ್ರಮಗಳನ್ನು ಓವರ್‌ಲೆಂಡ್ ವಿವರಿಸಿದ್ದಾರೆ ಎಂದು ಹೇಳಿದ್ದಾರೆ.

ಆಸ್ಟ್ರೇಲಿಯಾದ ಹಿಂದುಳಿದ ಪ್ರದೇಶಗಳಲ್ಲಿ ಮಾತ್ರ ಶ್ರೀಮಂತಿಕೆ ತೋರಿಸಿಕೊಳ್ಳುವುದು ಬೇಡ ಎಂದು ಓವರ್‌ಲೆಂಡ್ ಹೇಳಿಕೆಯ ಸಾರ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ. 

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ವರದಿಗಾರರು : ಗಲ್ಫ್ ಕನ್ನಡಿಗ ವರದಿಗಾರರು ಪ್ರಕಟಿಸಿದ ದಿನಾಂಕ : 2010-02-08