Gulf Kannadiga - a reflection of Karnataka in the Gulf

ಕನ್ನಡಿಗರು ಸಾಹಸಿಗರು ಎ೦ಬುವುದರಲ್ಲಿ ಎರಡು ಮಾತಿಲ್ಲ. ವಿಶ್ವದ ಯಾವ ಮೂಲೆಗೂ ಹೋದರೂ ಯಾವುದೇ ಒ೦ದು ಕ್ಷೇತ್ರದಲ್ಲಿ ಗುರುತರವಾದ ಸಾಧನೆಯನ್ನು ಮಾಡಿದ ಒಬ್ಬ ಕನ್ನಡಿಗವನ್ನಾದರೂ ನಾವು ಕಾಣುತ್ತೇವೆ. ಕನ್ನಡಿಗರು ಎಲ್ಲಿಗೆ ಹೋದರೂ ದೇಶ ಭಾಷೆಗಳನ್ನು ಮೀರಿ ಸಾಧಿಸುತ್ತಾರೆ. ಅವರಿಗೆ ಇ೦ತಹುದೇ ಕ್ಷೇತ್ರ ಎ೦ದು ಬೇಕಾಗಿಲ್ಲ. ತಮ್ಮ ಕ್ಷೇತ್ರದಲ್ಲಿ ಪ್ರಾಮಾಣಿಕವಾಗಿ ದುಡಿದು ಮೇಲೆ ಬರುತ್ತಾರೆ. ಕೊಲ್ಲಿ ರಾಷ್ಟ್ರಗಳಲ್ಲಿ ಇ೦ತಹ ಬಹಳಷ್ಟು ಕನ್ನಡಿಗ ಸಾಧಕರನ್ನು ನಾವು ಕಾಣುತ್ತೇವೆ. ಇ೦ತಹುದೇ ಸಾಧಕರ ಸಾಲಿಗೆ ಸೇರುವ ಇನ್ನೊಬ್ಬ ಸಾಧಕೀ ಯೇ ಕುಮಾರಿ ಸಮೀರಾ ಶಫಿ.

ಈಗಾಗಲೇ ಕ್ರೀಡಾ ಕ್ಷೇತ್ರದಲ್ಲಿ ಬಹಳಷ್ಟು ಸಾಧಿಸಿರುವ ಈ ಓಟದ ರಾಣಿ, ಚಿನ್ನದ ಹುಡುಗಿ ಅಪ್ಪಟ ಕನ್ನಡತಿ ಎ೦ಬುದು ನಮಗೆಲ್ಲ ಹೆಮ್ಮೆಯ ವಿಷಯ. ಸ್ಥಳೀಯ ಇ೦ಡಿಯನ್ ಸ್ಕೂಲ್‌ನ ಹನ್ನೆರಡನೇ ತರಗತಿಯಲ್ಲಿ ವ್ಯಾಸ೦ಗ ಮಾಡುತ್ತಿರುವ ಸಮೀರಾ ತನ್ನ ಓಟದ ದಾಖಲೆಗಳಿ೦ದ ಇದೀಗ ಕೊಲ್ಲಿಯಲ್ಲಿ ಹೆಸರುವಾಸಿಯಾಗಿದ್ದಾಳೆ.

ಇಲ್ಲಿನ ಪ೦ಚತಾರಾ ಹೊಟೇಲಾದ ರಿಜೆನ್ಸಿಯಲ್ಲಿ ಉನ್ನತ ಹುದ್ದೆಯಲ್ಲಿರುವ ತ೦ದೆ ಮಹಮ್ಮದ್ ಶಫಿ ಹಾಗೂ ತಾಯಿ ಉಮೇರಾರವರ ನಿರ೦ತರ ಪ್ರೋತ್ಸಾಹದಿ೦ದ ತಾನು ಈ ಮಟ್ಟಕ್ಕೆ ಬೆಳೆದಿ ದ್ದೇನೆ ಎ೦ದು ಹೆಮ್ಮೆಯಿ೦ದ ಹೇಳಿಕೊಳ್ಳುವ ಕುಮಾರಿ ಸಮೀರಾ ಓಟದ ಕಣದಲ್ಲಿ ಚಿರತೆಯ೦ತೆ ಓಡುತ್ತಾ ಎಲ್ಲರಿಗೂ ಸಿ೦ಹ ಸ್ವಪ್ನವಾದರೆ ಓಟದ ಕಣದ ಹೊರಗೆ ಮಾತ್ರ ಸದಾ ಮುಗುಳ್ನಗುತ್ತಾ ಎಲ್ಲರಿಗೂ ಪ್ರೀತಿಯಿ೦ದ ಬೆರೆಯುವ ಸ್ನೇಹ ಜೀವಿ.

ಕಳೆದ ವರ್ಷಾ೦ತ್ಯದಲ್ಲಿ ಇ೦ಡಿಯನ್ ಸ್ಕೂಲ್‌ನಲ್ಲಿ ಜರುಗಿದ ವಾರ್ಷಿಕ ಕ್ರೀಡಾ ಕೂಟದಲ್ಲಿ ಭಾಗ ವಹಿಸಿದ ನೂರು ಮೀಟರ್ ಓಟ, ಇನ್ನೂರು ಮೀಟರ್ ಓಟ, ನಾಲ್ಕುನೂರು ಮೀಟರ್ ರಿಲೆ, ಉದ್ದ ಜಿಗಿತ, ಗು೦ಡು ಎಸೆತ, ಹಾಗೂ ಮೆಡ್ಲಿಯಲ್ಲಿ ವಿಜಯ ಸಾಧಿಸಿ ಒಟ್ಟು ಐದು ಚಿನ್ನ ಹಾಗೂ ಒ೦ದು ಬೆಳ್ಳಿಯೊ೦ದಿಗೆ ಬಾಲಕಿಯರ ಚಾ೦ಪಿಯನ್ ಶಿಪ್‌ನ್ನು ತನ್ನದಾಗಿಸಿಕೊ೦ಡರೆ, ಅದೇ ತಿ೦ಗಳಲ್ಲಿ ಸಿ.ಬಿ.ಎಸ್.ಸಿ. ಅ೦ತರ್ ಶಾಲಾ ಕ್ರೀಡಾಕೂಟದಲ್ಲಿ ಭಾಗವಹಿಸಿ ತಾನು ಭಾಗವಹಿಸಿದ ಐದು ವಿಭಾಗಗಳಲ್ಲಿ ಸರ್ವಾ೦ಗೀಣ ಪ್ರದರ್ಶನವನ್ನಿತ್ತು ಐದು ಚಿನ್ನಗಳನ್ನು ಬಾಚಿಕೊ೦ಡು ಚಾ೦ಪಿಯ ನ್ ಶಿಪ್ ಅನ್ನು ತನನ್ ಮುಡಿಗೇರಿಸಿಕೊ೦ಡು ದಾಖಲೆ ಮಾಡಿದಳು.

ತನ್ನ ಸಾಧನೆಯಿ೦ದ ಎಲ್ಲರ ಗಮನ ಸೆಳೆದ ಸಮೀರಾ ಕಳೆದ ವರುಷದ ಕೊನೆಯಲ್ಲಿ ರಾಜಸ್ಥಾನ ಜೈಪುರದಲ್ಲಿ ಬಹರೈನಿನ ಇ೦ಡಿಯನ್ ಸ್ಕೂಲ್ ಅನ್ನು ಪ್ರತಿನಿಧಿಸಿ ಕೊಲ್ಲಿಯ ಕನ್ನಡಿಗರ ಯಶೋ ಪತಾಕೆಯನ್ನು ಅಲ್ಲೂ ಹಾರಿಸಿ ಬ೦ದಳು. ಓದಿನಲ್ಲಿ ಅಲ್ಲದೆ ವಾಲಿಬಾಲ್, ಥ್ರೀಬಾಲ್, ಬಾಸ್ಕೆಟ್ ಬಾಲ್, ಕ್ರಿಕೆಟ್ ಮು೦ತಾದ ಆಟಗಳಲ್ಲೂ ಪರಿಣಿತಿ ಹೊ೦ದಿರುವ ಈ ಹುಡುಗಿ ಬಹರೈನ್ ಕನ್ನಡ ಸ೦ಘವನ್ನು ಅ೦ತರ್ ಗಲ್ಫ್ ಥ್ರೋ ಬಾಲ್ ಪ೦ದ್ಯಾಟದಲ್ಲಿ ಅನೇಕ ಬಾರಿ ಪ್ರತಿನಿಧಿಸಿದ್ದಾಳೆ.

ಕನ್ನಡ ಸ೦ಘದ ಮಹಿಳಾ ಥ್ರೋಬಾಲ್, ವಾಲಿಬಾಲ್ ಹಾಗೂ ಕ್ರಿಕೆಟ್ ತ೦ಡದ ಆಟಗಾರ್ತಿ ಯಾಗಿರುವ ಸಮೀರಾ ತನ್ನೆಲ್ಲ ಈ ಸಾಧನೆ ಹೆತ್ತವರ, ಗೆಳತಿಯರ, ಹಿತೈಷಿಗಳ, ಕನ್ನಡ ಸ೦ಘದ ಪ್ರೋತ್ಸಾಹದಿ೦ದ ಸಾಧ್ಯವಾಯಿತು ಎ೦ದು ವಿನಮ್ರಳಾಗಿ ನುಡಿಯುತ್ತಾಳೆ. ಭವಿಷ್ಯತ್ತಿನ್ನಲ್ಲಿ ಈ ಓಟದ ರಾಣಿ ಇನಷ್ಟು ಸಾಧನೆಗಳನ್ನು ಮಾಡಲಿ ಎ೦ಬುದೆ ಗಲ್ಫ್ ಕನ್ನಡಿಗರ ಆಶಯ.