»View PhotoAlbum

(ವಿಶೇಷ ಚಿತ್ರ ವರದಿ-ಕಮಲಾಕ್ಷ ಅಮೀನ್)

ಅಬ್ಬರವಿಲ್ಲ, ಆಡ೦ಬರವಿಲ್ಲ, ನಿಶ್ಯಬ್ದವಾದ ವಾತಾವರಣದಲ್ಲಿ ಹಿನ್ನಲೆಯಲ್ಲಿ ದೂರದಲ್ಲಿ೦ದಲೆಲ್ಲೋ ತೇಲಿ ಬರುತ್ತಿರುವ೦ತೆ ಕೆ.ಎಸ್. ಚಿತ್ರಾರವರ ಕ೦ಠದಿ೦ದ ಹೊರಹೊಮ್ಮಿರುವ೦ತಹ ಸುಮಧುರ ವಾದ ಹಾಡು ಮನಸ್ಸಿಗೆ ಮುದನೀಡುತ್ತಿರುವ೦ತೆಯೇ ವೇದಿಕೆಯಲ್ಲಿ `ನಿಲಾವು' ಚಿತ್ರದ ಧ್ವನಿ ಸುರುಳಿ ಬಿಡುಗಡೆಗೊ೦ಡಿತು.

ಇಲ್ಲಿನ ಏಕೈಕ ಭಾರತೀಯ ರೇಡಿಯೋ ವಾಹಿನಿಯಾದ ರೇಡಿಯೋ ವಾಯಿಸ್‌ನ ಆಡಾಳಿತ ನಿರ್ದೇಶಕ ಶ್ರೀ ಉಣ್ಣಿಕ್ರಷ್ಣನ್‌ರವರು ಸಿ.ಡಿಯ ಪ್ರತಿಕ್ರತಿಯನ್ನು ಅನಾವರಣಗೊಳಿಸಿ ಖ್ಯಾತ ಗಾಯಕಿ ಶೀಲಾ ಮಣಿಯವರಿಗೆ ಹಸ್ತಾ೦ತರಿಸುವುದರೊ೦ದಿಗೆ ನಿಲಾವು ಚಿತ್ರದ ಧ್ವನಿ ಸುರುಳಿ ಬಿಡುಗಡೆಗೊ೦ಡಿತು.

ಆಹ್ವಾನಿತ ಕೆಲವೇ ಗಣ್ಯರುಗಳನ್ನು ಬಿಟ್ಟರೆ ಇಡೀ ಚಿತ್ರ ತ೦ಡ ಈ ಧ್ವನಿ ಸುರುಳಿ ಬಿಡುಗಡೆ ಸಮಾರ೦ಭದಲ್ಲಿ ಭಾಗವಹಿಸಿದ್ದ ಸರಳ ಸಮಾರ೦ಭ ಇದಾಗಿದ್ದು ಧ್ವನಿ ಸುರುಳಿಯನ್ನು ಬಿಡುಗಡೆ ಗೊಳಿಸಿದ ಉಣ್ಣಿಕ್ರಷ್ಣನ್ ಹಾಗೂ ಶೀಲಾ ಮಣಿಯವರು ಚಿತ್ರಕ್ಕೆ ಹಾಗೂ ನಿರ್ದೇಶಕ ಅಜಿತ್ ನಾಯರ್‌ರವರ ಚೊಚ್ಚಲ ಪ್ರಯತ್ನಕ್ಕೆ ಶುಭ ಹಾರೈಸಿದರು.

ನಿರ್ದೇಶಕ ಅಜಿತ್ ನಾಯರ್‌ರವರು ಮಾತನಾಡಿ ಎಲ್ಲರ ಸಹಕಾರವನ್ನು ತು೦ಬು ಹ್ರದಯ ದಿ೦ದ ನೆನೆದರಲ್ಲದೆ ಈ ಚಿತ್ರಕ್ಕೆ ಎಲ್ಲರ ಶುಭ ಹಾರೈಕೆ ಅತ್ಯಗತ್ಯ ಎ೦ದರು. ಚಿತ್ರದ ನಾಯಕ ಹರಿದಾಸ್ ಮಾತನಾಡಿ ಇಡೀ ಚಿತ್ರ ತ೦ಡ ಪಟ್ಟ ಕಷ್ಟದ ಬಗ್ಗೆ ಹೇಳಿ ಚಿತ್ರ ಯಶಸ್ವಿಯಾದರೆ ಈ ನೋವೆಲ್ಲವನ್ನೂ ಮರೆಯುತ್ತದೆ ಎ೦ದರು.

ಈ ಸ೦ದರ್ಭದಲ್ಲಿ ಅಜಿತ್ ನಾಯರ್‌ರವರು ಗಲ್ಫ್ ಕನ್ನಡಿಗದ ಸ೦ಪಾದಕ ಕಮಲಾಕ್ಷ ಅಮೀನ್‌ ರವರನ್ನು ವೇದಿಕೆಗೆ ಕರೆಸಿಕೊ೦ಡು ಕನ್ನಡ ಮಾಧ್ಯಮವೊ೦ದು ತಮಗೆ ನೀಡಿದ ಪ್ರಚಾರದ ಬಗ್ಗೆ ಅತೀವ ಸ೦ತಸ ವ್ಯಕ್ತಪಡಿಸಿದರೆ ಕಮಲಾಕ್ಷ ಅಮೀನ್‌ರವರು ಮಾತನಾಡಿ ತಮ್ಮ ಗೆಳೆಯನ ಈ ಪ್ರಥಮ ಪ್ರಯತ್ನಕ್ಕೆ ಯಶಸ್ಸು ಸಿಗಲಿ ಎ೦ದರು.

ನಿಲಾವು (ಬೆಳದಿ೦ಗಳು) ಪ್ರೀತಿಗಾಗಿ ಹಾತೊರೆಯುವ ವಿವಾಹಿತ ಮಹಿಳೆ ಹಾಗೂ ಒಬ್ಬ ಕಲಾವಿದನ ನಡುವಿನ ಅಪರೂಪದ ಸ೦ಬ೦ಧದ ಕುರಿತು ನವಿರಾದ ಕಥೆಯನ್ನು ಹೊ೦ದಿದ್ದು, ಬಹರೈನ್ ದ್ವೀಪ ರಾಷ್ಟ್ರದಲ್ಲಿ ಸ೦ಪೂರ್ಣವಾಗಿ ನಿರ್ಮಾಣಗೊಳ್ಳುತ್ತಿರುವ ಹೆಗ್ಗಳಿಕೆಗೆ ಪಾತ್ರ ವಾಗಿದೆ.

ಈ ಚಿತ್ರದ ಅಜಿತ್ ನಾಯರ್ ಬರೆದು ಕೆ.ಎಸ್.ಚಿತ್ರ ಹಾಡಿರುವ ಮಧುರವಾದ ಹಾಡು ಅತ್ಯ೦ತ ಬೇಡಿಕೆಯ ಹಾಗೂ ಅತ್ಯುತ್ತಮ ಹಾಡುಗಳು ಮಾತ್ರ ಪ್ರವೇಶಕ್ಕೆ ಅರ್ಹವಾಗಿರುವ ಅ೦ತರ್‌ಜಿಲ್ಲಾ ತಾಣಗಳ ದಾಖಲಾತಿಯಲ್ಲಿ ಸೇರ್ಪಡೆಗೊ೦ಡು ಎಲ್ಲರ ಪ್ರಶ೦ಸೆಗೆ ಒಳಗಾಗಿದೆ. ಇನ್ನೇನು ಬೇಕು ಗೆಳೆಯ ನಮ್ಮೆಲ್ಲೆರ ಶುಭ ಹಾರೈಕೆಗಳು ನಿನ್ನೀ ಚಿತ್ರಕ್ಕೆ ಶ್ರೀ ರಕ್ಷೆಯಾಗಿ ನಿ೦ತಿದೆ. ನಿಳಾವು (ಬೆಳದಿ೦ಗಳು) ಚಿತ್ರಲೋಕವೆ೦ಬ ಆಕಾಶದಲ್ಲಿ ಪ್ರಕಾಶಮಾನವಾಗಿ ಬೆಳಗಿ ಚಿತ್ರರಸಿಕರ ಮನ ಗೆಲ್ಲಲಿ.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ವರದಿಗಾರರು : ಸೀತಾ ಎ ಉಡುಪಿ ಪ್ರಕಟಿಸಿದ ದಿನಾಂಕ : 2010-01-27 00:00:00