Gulf Kannadiga - a reflection of Karnataka in the Gulf

{ ಗ.ಕ ವಿಶೇಷ ಚಿತ್ರಗಳು: ಅಶೋಕ ಬೆಳ್ಮಣ್ }

ಶಾರ್ಜ: ಶಾರ್ಜಾ ವಾಂಡರರ್ಸ್ ಕ್ರೀಡಾಂಗಣದಲ್ಲಿ 8 ನೇ ತಾರೀಕು ಶುಕ್ರವಾರ ಬೆಳಿಗ್ಗೆ 9 ಗಂಟೆಯಿಂದ ಸಂಜೆಯವರೆಗೆ "ಬಂಟ್ಸ್ ಥ್ರೋಬಾಲ್ ’ ಆಶ್ರಯದಲ್ಲಿ ಯು. ಎ. ಇ. ಮಟ್ಟದ ಮಹಿಳೆಯರ ಥ್ರೋಬಾಲ್ ಪಂದ್ಯಾಟ ನಡೆಯಿತು.

ಯು. ಎ. ಇ. ಯ ಪ್ರತಿಷ್ಠಿತ ಮಹಿಳಾ ತಂಡಗಳಾದ ಜಶನ್ ದುಬಾಯಿ, ಮಂಗ್ಳುರ್ ಕೊಂಕಣ್ಸ್, ಬಂಟ್ಸ್ ದುಬಾಯಿ, ಅಬುಧಾಬಿ ಕರ್ನಾಟಕ ಸಂಘ, ಕೆನೆರೆಟ್ಸ್, ಯುನೈಟೆಡ್ ಸ್ಟಾರ್ಸ್ ತಂಡಗಳು ಬಾಗವಹಿಸಿದವು.

ಫೈನಲ್ ಆಟದಲ್ಲಿ ತಲಾ ಒಂದೊಂದು ಪಂದ್ಯ ಗೆದ್ದ ಬಂಟ್ಸ್ ದುಬೈ ಮತ್ತು ಮ್ಯಾಂಗಳೂರ್ ಕೊಂಕಣ್ಸ್ ನಿರ್ಣಾಯಕ ಮೂರನೇ ಆಟದಲ್ಲಿ ಬಹಳ ಬಿರುಸಿನಿಂದ ಆಡಿದ ಈ ರೋಮಾಂಚಕ ಸ್ಪರ್ಧೆಯಲ್ಲಿ ಕೊಂಕಣ್ಸ್ ಮಹಿಳೆಯರು ಜಯಬೇರಿ ಬಾರಿಸಿ ’ಬಂಟ್ಸ್ ಥ್ರೋಬಾಲ” ಟ್ರೋಫಿ ಗೆದ್ದು ತನ್ನದಾಗಿಸಿಕೊಂಡರು.

ಸಂಚಾಲಕರೋರ್ವರಾದ ಸತೀಶ್ ಶೆಟ್ಟಿಯವರ ಸ್ವಾಗತ ಭಾಷಣದಿಂದ ಪ್ರಾರಂಭಗೊಂಡ ಈ ಪಂದ್ಯಾವಳಿಗೆ ಹೀಟ್ ಶೀಲ್ಡ್, ಏಸ್ ಕ್ರೇನ್ಸ್ ಮತ್ತು ಇತರರು ಪಾಯೋಜಕರಾಗಿದ್ದರು.

ಸರ್ವೊತ್ತಮ್ ಶೆಟ್ಟಿ, ಕುಶಲ್ ಶೆಟ್ಟಿ, ಪ್ರೆಮ್ ನಾಥ್ ಶೆಟ್ಟಿ, ಗುಣಶೀಲ್ ಶೆಟ್ಟಿ, ಪ್ರವೀಣ್ ಶೆಟ್ಟಿ, ಗಣೇಶ್ ರೈ, ನೋಯಲ್ ಅಲ್ಮೇಡ, ಸತೀಶ್ ವೆಂಕಟರಮಣ ಮತ್ತಿತ್ತರು ಉಪಸ್ಥಿತರಿದ್ದರು

ವಿಜಯೀ ತಂಡದ ನಾಯಕಿ ಪ್ರೆಸಿಲ್ಲಾ ಡಿ.ಸೋಜ ಅತ್ಯುತ್ತಮ ಸ್ಮಾಷರ್ {ಬಲವಾದ ಹೊಡೆತ} ಹಾಗೂ ಆಲ್ ರೌಂಡರ್ ಆಗಿ ಪ್ರೆಸಿಲ್ಲಾ ಪಿಂಟೋ ಆಯ್ಕೆಯಾದರು. ರನ್ನರ್ ಅಪ್ ತಂಡ ಬಂಟ್ಸ್ ದುಬಾಯಿಯ ನಾಯಕಿ ಸ್ವರ್ಣ ಸತೀಶ್ ಶೆಟ್ಟಿಯವರು ಅತ್ಯುತ್ತಮ ಕ್ಷೇತ್ರ ನಿರ್ವಹಣೆ ಬಹುಮಾನಕ್ಕೆ ಲಗ್ಗೆ ಇತ್ತರು.

ಈ ರೀತಿ ವೈಶಿಷ್ಟ್ಯಪೂರ್ಣವಾಗಿ ನಡೆಸಿಕೊಂಡು ಬರುತ್ತಿರುವ ಮಹಿಳೆಯರ ಥ್ರೋಬಾಲ್ ಪಂದ್ಯಾಟ ತುಂಬಾ ಪ್ರಸಿದ್ದಿಯಾಗಿದ್ದು ತನ್ನದೆ ಆದ ಆಕರ್ಷಣೆಯನ್ನು ಪಡೆದುಕೊಂಡಿದೆ. ವಿವಿಧ ವಯೋಮಿತಿಯ ಮಹಿಳಾ ಥ್ರೋಬಾಲ್ ಆಟಗಾರರು ತಮ್ಮ ಕ್ರೀಡಾ ಕೌಶಲ್ಯವನ್ನು ಸ್ಪರ್ಧಾತ್ಮಕವಾಗಿ ಪ್ರದರ್ಶಿಸಿಕೊಂಡು ಅಪಾರ ಕ್ರೀಡಾಭಿಮಾನಿಗಳ ಹರ್ಷೊದ್ಘಾರ ಗಳ ನಡುವೆ "ಮಹಿಳೆಯರ ಥ್ರೋಬಾಲ್ ಪಂದ್ಯಾಟ" ಯು. ಎ. ಇ. ಯಲ್ಲಿ ಜನಮನ ಸೆಳೆಯುವ ಆಕರ್ಷಕ ಕ್ರೀಡೆಯಾಗಿ ತನ್ನತನವನ್ನು ಉಳಿಸಿಕೊಂಡಿದೆ.