ಯೆಮೆನ್, ಸೋಮವಾರ, 27 ಅಕ್ಟೋಬರ್ 2008
 
ಸತತ ಮಳೆಯಿಂದ ಉಂಟಾದ ಪ್ರವಾಹದಲ್ಲಿ ಯೆಮೆನ್‌ನ ಅನೇಕ ಭಾಗಗಳಿಗೆ ಹಾನಿಯಾಗಿದ್ದು, ಸುಮಾರು 100 ಜನರು ಸತ್ತಿದ್ದಾರೆ ಅಥವಾ ನಾಪತ್ತೆಯಾಗಿದ್ದಾರೆಂದು ಸರ್ಕಾರಿ ಅಧಿಕಾರಿ ಭಾನುವಾರ ತಿಳಿಸಿದರು.

ಭಾರೀ ಮಳೆಯಿಂದ ತತ್ತರಿಸಿದ ಹಡ್ರಾಮೌಂಟ್ ಮತ್ತು ಮರ್ಹಾ ಪ್ರಾಂತ್ಯಗಳಲ್ಲಿ ರಕ್ಷಣಾ ಹೆಲಿಕಾಪ್ಟರುಗಳಿಗೆ ಬದುಕುಳಿದವರು ಕೈಸನ್ನೆ ಮಾಡುತ್ತಿರುವ ದೃಶ್ಯಗಳನ್ನು ಟೆಲಿವಿಷನ್ ಚಿತ್ರಗಳು ತೋರಿಸಿವೆ. ಸುಮಾರು 7000 ಜನರು ನಿರ್ವಸಿತರಾಗಿದ್ದು, ನೂರಾರು ಜನರು ಸತ್ತಿದ್ದಾರೆ ಅಥವಾ ಕಾಣೆಯಾಗಿದ್ದಾರೆ.

ನಿಖರ ಸಂಖ್ಯೆ ಸಂಗ್ರಹಕ್ಕೆ ನಾವಿನ್ನೂ ಯತ್ನಿಸುತ್ತಿದ್ದು, ಹಾನಿಪೀಡಿತ ಪ್ರದೇಶಗಳಿಗೆ ಸಂಪರ್ಕ ಕಡಿದಿರುವುದರಿಂದ ಸತ್ತವರ ನಿಖರ ಸಂಖ್ಯೆ ತಿಳಿದುಬಂದಿಲ್ಲ ಎಂದು ಯೆಮೆನಿ ಅಧಿಕಾರಿ ಸುದ್ದಿಸಂಸ್ಥೆಯೊಂದಕ್ಕೆ ತಿಳಿಸಿದರು.ರಕ್ಷಣಾ ಕಾರ್ಯಾಚರಣೆಗಳಿಗೆ ಮತ್ತು ಗಂಭೀರ ಪ್ರವಾಹಕ್ಕೆ ತುತ್ತಾದ ಪ್ರದೇಶಗಳ ಮರುಸ್ಥಾಪನೆಗೆ ನೆರವಾಗಲು 20 ಶತಕೋಟಿ ರಿಯಾಲ್ ತುರ್ತು ನಿಧಿಗೆ ಅನುಮೋದನೆ ನೀಡುವಂತೆ ಅಧ್ಯಕ್ಷ ಅಲಿ ಅಬ್ದುಲ್ಲಾ ಸಾಲೆ ಭಾನುವಾರ ಕರೆ ನೀಡಿದರು.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ವೆಬ್‌ದುನಿಯಾ ವರದಿಗಾರರು : ಗ.ಕ.ವಿಶೇಷ ವರದಿಗಾರರು ಪ್ರಕಟಿಸಿದ ದಿನಾಂಕ : 2008-10-28