ಖಾಸಗಿ ಕ್ಷೇತ್ರದಲ್ಲಿ ಸ್ಥಳೀಯರನ್ನು ಆಕರ್ಷಿಸಲು ಹಲವು ಯೋಜನೆಗಳು ಜಾರಿ

ರಬಾತ್, ಅಕ್ಟೋಬರ್ 24:  ಇಡಿಯ ಅರಬ್ ಜಗತ್ತಿನಲ್ಲಿ ಹದಿನೇಳು ದಶಲಕ್ಷ ಅರಬ್ ವ್ಯಕ್ತಿಗಳು ನಿರುದ್ಯೋಗದ ಸಮಸ್ಯೆ ಎದುರಿಸುತ್ತಿದ್ದಾರೆ. ಅವರಲ್ಲಿ ಕಾಲುಭಾಗ ಯುವಕರಾಗಿರುವುದು ಕಳಕಳಿಯ ವಿಷಯವಾಗಿದೆ ಎಂದು Arab Industrial Development and Mining Organization ವಿಭಾಗದ ಮುಖ್ಯಸ್ಥರಾದ ಮೊಹಮ್ಮದ್ ಬಿನ್ ಯೂಸುಫ್ ತಿಳಿಸಿದ್ದಾರೆ. 

ಕುವೈಟ್ ಆದ್ಯಂತ ಖಾಸಗಿ ಕ್ಷೇತ್ರದಲ್ಲಿ ಹೆಚ್ಚಿನ ಬೆಳವಣಿಗೆಗೆ ಕರೆನೀಡುವ ನಿಟ್ಟಿನಲ್ಲಿ ಆಯೋಜಿತವಾಗಿದ್ದ ವಿಚಾರಸಂಕಿರಣದಲ್ಲಿ ಈ ವಿಷಯವನ್ನು ಅವರು ತಿಳಿಸಿದ್ದಾರೆ.  ಮೊರೊಕ್ಕೋ ದೊರೆ ಕಿಂಗ್ ಮೊಹಮ್ಮದ್ -೬ ಅವರ ಆಶ್ರಯದಲ್ಲಿ ಆಯೋಜಿತವಾಗಿರುವ ಈ ಸಂಕಿರಣದಲ್ಲಿ ಎಲ್ಲಾ ಅರಬ್ ದೇಶಗಳ ಪ್ರತಿನಿಧಿಗಳು ಭಾಗವಹಿಸಿದ್ದಾರೆ.

ಈ ನಿಟ್ಟಿನಲ್ಲಿ ಖಾಸಗಿ ಕ್ಷೇತ್ರದಲ್ಲಿ ಹೆಚ್ಚಿನ ಬೆಳವಣಿಗೆಯನ್ನು ಸಾಧಿಸಿ ಹೆಚ್ಚಿನ ಅರಬ್ ವ್ಯಕ್ತಿಗಳಿಗೆ ಉದ್ಯೋಗ ನೀಡುವ ಪ್ರಸ್ತಾವನೆಯನ್ನು ಅವರು ಅರಬ್ ಜಗತ್ತಿನ ಮುಂದಿಟ್ಟಿದ್ದಾರೆ.  ಹೆಚ್ಚಿನ ಖಾಸಗಿ ಸಂಸ್ಥೆಗಳಿಗೆ ಕರೆನೀಡಿ ಮುಂದಿನ ಎರೆಡು ವರ್ಷಗಳಲ್ಲಿ ಈ ಸಂಖ್ಯೆಯನ್ನು ಗಣನೀಯವಾಗಿ ಇಳಿಸಲು ಅವರು ಕರೆನೀಡಿದ್ದಾರೆ.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ಅರಬ್ ಟೈಮ್ಸ್ ವರದಿಗಾರರು : ಅರ್ಶದ್ ಹುಸೇನ್ ಎಂ.ಹೆಚ್ ಪ್ರಕಟಿಸಿದ ದಿನಾಂಕ : 2008-10-24