»ಹೆಚ್ಚಿನ ಚಿತ್ರಗಳು

(ಚಿತ್ರ / ವರದಿ : ರೋನ್ಸ್ ಬಂಟ್ವಾಳ್)

ರಾಜಮಾತಾ ವಿಜಯರಾಜೇ ಸಿಂಧಿಯಾ ಮೆಮೋರಿಯಲ್ ಟ್ರಸ್ಟ್ ಸಂಸ್ಥೆಯು ವಿಜಯರಾಜೇ ಸಿಂಧಿಯಾ ಇವರ ಜೀವನಾಧಾರಿತ ರಾಜ್‌ಪಥ್ ಸೆ ಲೋಕ್ ಪಥ್ ಪರ್ ಧ್ಯೇಯವನ್ನಿರಿಸಿ ’ಏಕ್ ಥಿ ರಾಣಿ ಐಸೀ ಭೀ’ ಹೆಸರಾಂತ ಫಿಲ್ಮ್ ಒಂದನ್ನು ರಚಿಸಲುದ್ದೇಶಿಸಿದ್ದು, ಈ ಚಲನಚಿತ್ರ ಇದರ ಮುಹೂರ್ತ ಹಾಗೂ ಕ್ಲ್ಯಾಪ್ಪಿಂಗ್‌ನ್ನು ಇಂದಿಲ್ಲಿ ಮಂಗಳವಾರ ಸಂಜೆ ಸಾಂತಾಕ್ರೂಜ್ ಪೂರ್ವದ ಬಿಲ್ಲವರ ಭವನದ ಶ್ರೀ ನಾರಾಯಣ ಗುರು ಸಭಾಗೃಹದಲ್ಲಿ ನಡೆಸಲಾಯಿತು. ಭಾರತೀಯ ಜನತಾ ಪಕ್ಷದ (ಬಿ.ಜೆ.ಪಿ) ರಾಷ್ಟ್ರೀಯ ನಾಯಕಿ ಸುಶ್ಮಾ ಸ್ವರಾಜ್ ಇವರು ಮುಹೂರ್ತವನ್ನು ನೆರವೇರಿಸಿದರು.

ಅಖಿಲ ಭಾರತ ಬಿ.ಜೆ.ಪಿ ಇದರ ಪ್ರಧಾನ ಕಾರ್ಯದರ್ಶಿ ಗೋಪಿನಾಥ್ ಮುಂಧೆ, ರಾಜಸ್ಥಾನದ ಮುಖ್ಯಮಂತ್ರಿ ವಸುಧರಾ ರಾಜೇ ಸಿಂಧಿಯಾ, ಬಿ.ಜೆ.ಪಿ ಹಿರಿಯ ನಾಯಕಿ ಜಯವಂತಿ ಭೆನ್ ಮೆಹ್ತಾ, ಯಶೋಧರ ರಾಜೆ ಸಿಂಧಿಯಾ, ಮುಂಬಯಿ ಪ್ರದೇಶ  ಬಿ.ಜೆ.ಪಿ ಅಧ್ಯಕ್ಷ ಗೋಪಾಲ ಸಿ.ಶೆಟ್ಟಿ, ಎಲ್.ವಿ.ಅವಿನ್, ಸಿಂಧಿಯಾ ಮೆಮೋರಿಯಲ್ ಟ್ರಸ್ಟ್‌ನ ಅಧ್ಯಕ್ಷೆ ಶ್ರೀಮತಿ ಮೃದುಲ ಸಿನ್ಹಾ, ಫಿಲ್ಮ್ ನಿರ್ದೇಶಕ ಗುಲ್ಬಹರ್ ಸಿಂಗ್, ಮಾಜಿ ಶಾಸಕ ಅತುಲ್ ಶ್ಹಾ ಸಿನೆಮಾ ತಾರೆಯರಾದ ಶ್ರೀಮತಿ ಹೇಮಮಾಲಿನಿ ಮತ್ತು ವಿನೋದ್ ಖನ್ನಾ ಮುಂತಾದವರು ಉಪಸ್ಥಿತರಿದ್ದರು.

ಮಾಜಿ ಕೇಂದ್ರ ಸಚಿವ ರಾಮ ನಾಯಕ್, ಬಿ.ಜೆ.ಪಿ ಧುರೀಣರಾದ ಮಹೇಶ್ ಶರ್ಮ, ಆದಿತ್ಯ ಪಾಂಡೆ, ಸರ್ದಾರ್ ತಾರಾ ಸಿಂಗ್, ರಾಜ್ ಪುರಾಣಿಕ್, ಪೂನಂ ಮಹಾಜನ್, ದೆಹಲಿಯ ಮೇಹರ್ ಕು| ಆರತಿ ಮೆಹ್ರಾ, ಕಿರಣ್ ಮಹೇಶ್ವರ್, ಮತ್ತು ಸುರೇಶ್ ಜಿ. ಗೋಯಾಲ್, ಮಾಯಾ  ಸಿಂಗ್, ಪ್ರಿಯ ಮಾಣೆ ಮುಂತಾದವರು ಉಪಸ್ಥಿತರಿದ್ದರು.

ಈ ಶುಭಾವಸರದಲ್ಲಿ ಬಿಲ್ಲವರ ಮಹಿಳಾ ವಿಭಾಗದ ಸದಸ್ಯೆಯರು ಗಣ್ಯರಿಗೆ ಆರತಿಗೈದು ಬರಮಾಡಿ ಕೊಂಡರು. ಬಳಿಕ ಗಣ್ಯರು ಭವನದಲ್ಲಿನ ಶ್ರೀ ಗುರು ನಾರಾಯಣ ಹಾಗೂ ಕೋಟಿ-ಚೆನ್ನಯರ ಪ್ರತಿಮೆಗಳಿಗೆ ಪುಷ್ಫವೃಷ್ಠಿಗೈದು ನಮಿಸಿದರು. ಕಾರ್ಯಕ್ರಮದಲ್ಲಿ ಎಸೋಸಿಯೇಶನ್‌ನ ಉಪಾಧ್ಯಕ್ಷರುಗಳಾದ ವೈ. ನಾಗೇಶ್, ಎಂ. ಬಿ. ಕುಕ್ಯಾನ್, ವಿ.ಆರ್. ಕೋಟ್ಯಾನ್, ಗೌ| ಪ್ರ| ಕಾರ್ಯದರ್ಶಿ ನಿತ್ಯಾನಂದ ಡಿ. ಕೋಟ್ಯಾನ್, ಗೌ| ಕೋಶಾಧಿಕಾರಿ ಬಾಸ್ಕರ ವಿ. ಬಂಗೇರ, ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆ ಶ್ರೀಮತಿ ಜಯಂತಿ ವಿ. ಉಳ್ಳಾಲ್, ಉಪಾಧ್ಯಕ್ಷೆ ಶ್ರೀಮತಿ ಎಸ್. ಪೂಜಾರಿ ಮುಂತಾದವರು ಉಪಸ್ಥಿತರಿದ್ದರು.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ವರದಿಗಾರರು : ಗ.ಕ.ವಿಶೇಷ ವರದಿಗಾರರು ಪ್ರಕಟಿಸಿದ ದಿನಾಂಕ : 2008-10-16