ಭಾಗವಹಿಸಲಿರುವ ಏಳು ತಂಡಗಳು :  16.17.23.24 ಅಕ್ಟೋಬರ್ ನಂದು ಆಯೋಜಿತ

ದೋಹಾ, ಅಕ್ಟೋಬರ್ 16:  ಇಂದಿನಿಂದ ಎರೆಡು ವಾರಾಂತ್ಯಗಳು ದೋಹಾದ ಅಲ್ ವಖ್ರಾ ರಸ್ತೆಯಲ್ಲಿರುವ ಇಂಡಿಯಲ್ ಕ್ಲಬ್ ಮೈದಾನ ಮಹಿಳಾ ಥ್ರೋಭಾಲ್ ಪಂದ್ಯಾವಳಿಯಿಂದ ಕಂಗೊಳಿಸಲಿದೆ. ಎಮ್.ಸಿ.ಸಿ. (ಮಂಗಳೂರು ಕ್ರಿಕೆಟ್ ಕ್ಲಬ್) ಆಯೋಜಿಸಿರುವ  ವಾರ್ಷಿಕ ಮಹಿಳಾ ಥ್ರೋಬಾಲ್ ಪಂದ್ಯಾವಳುಯು ಏಳನೆಯದ್ದಾಗಿದ್ದು ಒಟ್ಟು ಏಳು ತಂಡಗಳು ಭಾಗವಹಿಸಲಿವೆ.

ತುಳು ಕೂಟ, ಕೊಂಕಣ್ ಸ್ಟಾರ್ಸ್, ಇಂಡಿಯಾ ಕ್ಲಬ್, ಲಂಕಾ ಲಯನ್ಸ್, ಕತರ್ ತಮಿಝಾರ್ ಸಂಗಮ್, ಅಲ್ ಖೋರ್ ಯುನೈಟೆಡ್ ಹಾಗೂ ಅತಿಥೇಯ ಎಂ.ಸಿ.ಸಿ. ತಂಡಗಳು ಪ್ರತಿಷ್ಟಿತ ಎಂ.ಸಿ.ಸಿ. ಟ್ರೋಫಿಗಾಗಿ ಹಣಾಹಣಿ ನಡೆಸಲಿವೆ. 

ಗುರುವಾರ ಸಂಜೆ ಆರು ಘಂಟೆಯಿಂದ ಹಾಗೂ ಶುಕ್ರವಾರ ಸಂಜೆ ನಾಲ್ಕುವರೆಯಿಂದ ಪಂದ್ಯಗಳು ಪ್ರಾರಂಭವಾಗಲಿವೆ. ಹಿಂದಿನ ಪಂದ್ಯಗಳು ಮಹಿಳೆಯರ ಕ್ರೀಡಾ ಮನೋಭಾವನೆಗೆ ಪ್ರಚೋದನೆ ನೀಡಿದ್ದು ಮಾತ್ರವಲ್ಲದೇ ಉತ್ತಮ ಪಂದ್ಯವನ್ನು ವೀಕ್ಷಿಸುವ ಹಾಗೂ ಅಪರೂಪಕ್ಕೆ ಲಭ್ಯವಾಗುವ ಒಂದೆಡೆ ಸೇರುವ ಅವಕಾಶವನ್ನು ಸದುಪಯೋಗಿಸಿ ಕೊಳ್ಳುವುದೂ ಆಗಿತ್ತು.  ಈ ಪಂದ್ಯಾವಳಿಯಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಕ್ರೀಡಾಭಿಮಾನಿಗಳು ಆಗಮಿಸಿ ಕ್ರೀಡಾಪಟುಗಳ ಹುಮ್ಮಸ್ಸನ್ನು ಹೆಚ್ಚಿಸಬೇಕೆಂದು ಕೋರಲಾಗಿದೆ.

ಹೆಚ್ಚಿನ ವಿವರಗಳಿಗೆ ಎಮ್.ಸಿ.ಸಿ. ಕ್ರೀಡಾ ಕಾರ್ಯದರ್ಶಿ ಸಿರಿಲ್ ಡಿ’ಸೋಜಾ (4428201/5602597), ರೋಯ್ ಡಿ’ಸೋಜಾ(6695679), ವಿನ್ಸೆಂಟ್ ಕ್ಯಾಸ್ಟಾಲಿನೋ (5859638), ಜಾನ್ ಬ್ರಿಟ್ಟೋ (5878329) ಅಥವಾ ಒಲಿವರ್ ಪೆರೀರಾ (4955205/5617689) ಅವರನ್ನು ಸಂಪರ್ಕಿಸಬಹುದಾಗಿದೆ.

ವರದಿ: ಇಕ್ಬಾಲ್ ಮನ್ನಾ, ದೋಹಾ, ಕತರ್.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ಇಕ್ಬಾಲ್ ಮನ್ನಾ, ದೋಹಾ, ಕತರ್. ವರದಿಗಾರರು : ಅರ್ಶದ್ ಹುಸೇನ್ ಎಂ.ಹೆಚ್ ಪ್ರಕಟಿಸಿದ ದಿನಾಂಕ : 2008-10-16