ಸ್ಥಳೀಯ ಕಲಾವಿದರಿಗೆ ಮನ್ನಣೆ - ಪ್ರಭಾಕರ ಅಂಬಲ್ತೆರೆ ವಿಷನ್ಸ್ ಪ್ರಸ್ತುತಿ

ದುಬೈ, ಅಕ್ಟೋಬರ್ 14: ಪ್ರಭಾಕರ ಅಂಬಲ್ತೆರೆ ವಿಷನ್ಸ್ ಇದೇ ಮೊದಲ ಬಾರಿಗೆ ತುಳು ನಾಟಕವೊಂದನ್ನು ಪ್ರಸ್ತುತಪಡಿಸುತ್ತಿದೆ. ತನ್ನ ಚೊಚ್ಚಲ ಕಾಣಿಕೆಯಲ್ಲಿ ಸ್ಥಳೀಯ ಕಲಾವಿದರ ಪ್ರತಿಭೆ ಹಾಗೂ ಪ್ರತಿಭಾವಂತ ನಟರಾದ ವಿಶ್ವನಾಥ ಶೆಟ್ಟಿಯವರ ನಿರ್ದೇಶನದಲ್ಲಿ ಊರಿನಲ್ಲಿ ಈಗಾಗಲೇ ಯಶಸ್ವಿಯಾಗಿ ಪ್ರದರ್ಶಿತವಾಗಿರುವ ಗಂಗುನ ಗಮ್ಮತ್ ತುಳು ನಾಟಕವನ್ನು ಪ್ರದರ್ಶಿಸಲು ಸಕಲ ಸಿದ್ಧತೆಗಳನ್ನು ನಡೆಸಿದೆ.

ಇದೇ ಶುಕ್ರವಾರ ದುಬೈ ಇಂಡಿಯನ್ ಅಸೋಸಿಯೇಶನ್ ಸಭಾಂಗಣದಲ್ಲಿ ಸಂಜೆ 3 ರಿಂದ ಪ್ರಾರಂಭವಾಗುವ ಕಾರ್ಯಕ್ರಮ ಸಂಗೀತ ರಸಮಂಜರಿ ಯೊಂದಿಗೆ ತೊಡಗಲಿದೆ.

ನಿರ್ದೇಶಕ ವಿಶ್ವನಾಥ ಶೆಟ್ಟಿಯವರು ಗಂಗುನ ಪಾತ್ರದಲ್ಲಿ ಕಾಣಿಸಿ ಕೊಳ್ಳಲಿದ್ದಾರೆ.

 ಶಾರ್ಜಾ ಕರ್ನಾಟಕ ಸಂಘದ ಅಧ್ಯಕ್ಷರಾಗಿರುವ ಹಾಗೂ ಸಾಮಾಜಿಕ ಸಂಘಟಕರಾದ ಶ್ರೀ ಪ್ರಭಾಕರ ಅಂಬಲ್ತೆರೆಯವರು ಈ ಕಾರ್ಯಕ್ರಮದ ರೂವಾರಿಯಾಗಿದ್ದು ನಾಟಕ ಪ್ರದರ್ಶನಕ್ಕೆ ಅಗತ್ಯವಾದ ಎಲ್ಲಾ ಸೌಕರ್ಯ ವನ್ನು ಒದಗಿಸಲು ಶ್ರಮಿಸಿದ್ದಾರೆ.

ನಾಟಕ ಪ್ರದರ್ಶನ ಸಂಪೂರ್ಣವಾಗಿ ಉಚಿತವಾಗಿದ್ದು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಲು ಕೋರಲಾಗಿದೆ. ಇದು ಪ್ರಭಾಕರ ಅಂಬಲ್ತೆರೆ ವಿಷನ್ಸ್ ನ ಪ್ರಥಮ ಕಾಣಿಕೆಯಾಗಿದ್ದು ಇದಕ್ಕೆ ಮಾಧ್ಯಮವರ್ಗ ಹಾಗೂ ಬೆಂಗಲಿಗ ರಿಂದ ಮತ್ತು ಪ್ರೇಕ್ಷಕರಿಂದ ಸಂಪೂರ್ಣ ಪ್ರೋತ್ಸಾಹ  ಅಪೇಕ್ಷಿಸಲಾಗಿದೆ.

ಹೆಚ್ಚಿನ ವಿವರಗಳಿಗೆ:
050-4947833
050-4889530
050-2808971

ದೂರವಾಣಿ ಸಂಖ್ಯೆಗಳನ್ನು ಸಂಪರ್ಕಿಸಬಹುದಾಗಿದೆ.

ಕೃಪೆ: ಅಂಬಲ್ತೆರೆ ವಿಷನ್ಸ್ ಪ್ರಕಟಣೆ

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ಅಂಬಲ್ತೆರೆ ವಿಷನ್ಸ್ ಪ್ರಕಟಣೆ ವರದಿಗಾರರು : ಅರ್ಶದ್ ಹುಸೇನ್ ಎಂ.ಹೆಚ್ ಪ್ರಕಟಿಸಿದ ದಿನಾಂಕ : 2008-10-14