»ಹೆಚ್ಚಿನ ಚಿತ್ರಗಳು

ಮನಾಮಾ, ಸೆಪ್ಟೆಂಬರ್ 26:  ಇಲ್ಲಿನ ರಫಾ ಗೆಳೆಯರ ಬಳಗವು ಹಿರಿಯ ಅನಿವಾಸಿ ಬಿಲ್ಲವರಾದ ಶ್ರೀ ಜಗನ್ನಾಥ ಪೂಜಾರಿ ಹೊನ್ನಾಳರವರ ನೇತೃತ್ವದಲ್ಲಿ ನೆರವೇರಿಸಿದ ದುರ್ಗಾ ಪೂಜೆಯು ಬಹಳ ವಿಜೃಂಬಣೆಯಿಂದ ನಡೆಯಿತು.

ಬಹರೇನ್ ದ್ವೀಪರ್‍ಅಷ್ಟ್ರಕ್ಕೆ ವಿಶೇಷವಾಗಿ ಆಗಮಿಸಿರುವ ಕಟಪಾಡಿ ವಿಶ್ವನಾಥ ಕ್ಷೇತ್ರದ ಅರ್ಚಕರಾದ ಶ್ರೀ ದೇವದಾಸ ಶಾಂತಿಯವರು ಪೂಜಾ ವಿಧಿಗಳನ್ನು ವಿಧಿವತ್ತಾಗಿ ಮತ್ತು ಸಾಂಗವಾಗಿ ನೆರವೇರಿಸಿಕೊಟ್ಟರು.  ನೂರಾರು ಭಕ್ತರು ಪೂಜೆಯಲ್ಲಿ ಪಾಲ್ಗೊಂಡು ಮಾತೆ ದುರ್ಗೆಯ ಕೃಪೆಗೆ ಪಾತ್ರರಾದರು.  ರಫಾ ಬಳಗವು ಈ ಪೂಜೆಗಾಗಿ ವಿಶೇಷವಾದ ಮಂಟಪವನ್ನು ವಿನ್ಯಾಸಗೊಳಿಸಿ ಸುಂದರವಾಗಿ ಸಿಂಗರಿಸಿದ್ದರು.  ಪೂಜೆಯುದ್ದಕ್ಕೂ ರಫಾ ಭಜನಾ ಮಂಡಳಿಯ ಸದಸ್ಯರು ಸುಶ್ರಾವ್ಯವಾದ ಭಜನೆಯಿಂದ ಭಕ್ತಾದಿಗಳು ಭಾವಪರವಶರಾಗುವಂತೆ ಮಾಡಿದರು.

ರಫಾ ಗೆಳೆಯರ ಬಳಗದ ಪರವಾಗಿ ಹಿರಿಯ ಅನಿವಾಸಿ ಬಿಲ್ಲವರಾದ ಶ್ರೀ ಮುದ್ದುಪಾಲನ್ ಅವರು ಅರ್ಚಕರಾದ ಶ್ರೀ ದೇವದಾಸ ಕಾಂತಿಯವರಿಗೆ ಶಾಲು ಹೊದೆಸಿ ಸನ್ಮಾನಿಸಿದರು. ಶ್ರೀ ಜಗನ್ನಾಥ ಪೂಜಾರಿ ಹೊನ್ನಾಳಿಯವರು ರಫಾ ಗೆಳೆಯರ ಬಳಗದ ಪ್ರೀತಿ ವಿಶ್ವಾಸ, ಅಭಿಮಾನದ ಧ್ಯೊತಕವಾಗಿ ಅರ್ಚಕರಿಗೆ ಚಿನ್ನದ ಉಂಗುರವೊಂದನ್ನು ತೊಡಿಸಿ ಗೌರವಿಸಿದರು. 

ಅರ್ಚಕರು ತಮಗೆ ಸಂದ ಸನ್ಮಾನಕ್ಕೆ ಕೃತಜ್ಞತೆಗಳನ್ನು ಅರ್ಪಿಸಿ ಸರ್ವ ಭಕ್ತಾದಿಗಳಿಗೂ ಭಗವಂತನು ಮಂಗಳವನ್ನುಂಟುಮಾಡಲಿ ಎಂದು ಹಾರೈಸಿದರು. 

ಪೂಜೆಯ ಬಳಿಕ ಮಹಾಪ್ರಸಾದವನ್ನು ವಿತರಿಸಲಾಯಿತು. ಆ ಬಳಿಕ ರಫಾ ಬಳಗ ಆಯೋಜಿಸಿದ್ದ ಭೋಜನ ಎಲ್ಲರ ಮನಗೆದ್ದಿತು. ನಾಡಿನಿಂದ ಸಾವಿರಾರು ಮೈಲಿ ದೂರವಿದ್ದರೂ ನಾಡಿನ ಜನ ನಮ್ಮ ಸಂಸ್ಕೃತಿ ಸಂಪ್ರದಾಯ ಪರಂಪರೆಗಳನ್ನು ಇಲ್ಲೂ ಕಂಡು ಅನುಭವಿಸುವಂತೆ ಇಂತಹ ಕಾರ್ಯಕ್ರಮಗಳ ಮೂಲಕ ಪ್ರಯತ್ನಿಸುತ್ತಿರುವ ಸಮಾಜ ಸೇವಕರಾದ ಶ್ರೀ ಜಗನ್ನಾಥ ಪೂಜಾರಿ ಹೊನ್ನಳಿ ಹಾಗೂ ರಫಾ ಗೆಳೆಯರ ಬಳಗದ ಕಾರ್ಯವೈಖರಿ ನಿಜಕ್ಕೂ ಅಭಿನಂದರ್ನಾರ್ಹವಾದುದು.

ಚಿತ್ರ, ವರದಿ: ಕಮಲಾಕ್ಷ ಅಮೀನ್, ಬಹರೇನ್

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ಕಮಲಾಕ್ಷ ಅಮೀನ್, ಬಹರೇನ್ ವರದಿಗಾರರು : ಅರ್ಶದ್ ಹುಸೇನ್ ಎಂ.ಹೆಚ್ ಪ್ರಕಟಿಸಿದ ದಿನಾಂಕ : 2008-09-26