ಈ ವಿಧಾನ ಅನುಸರಿಸುವಲ್ಲಿ ಜಗತ್ತಿನಲ್ಲಿ ಎರಡನೆಯ ರಾಷ್ಟವಾಗಿ ಸೌದಿ ಅರೇಬಿಯಾ

ಜೆದ್ದಾ, ಸೆಪ್ಟೆಂಬರ್ 16: ಮೂಳೆಗಳ ಉದ್ದವನ್ನು ಹೆಚ್ಚಿಸುವ ಹೊಸ ವಿಧಾನವನ್ನು ನಗರದ ಕಿಂಗ್ ಅಬ್ದುಲ್ ಅಜೀಜ್ ವಿಶ್ವವಿದ್ಯಾಲಯದ ವೈದ್ಯಕೀಯ ವಿದ್ಯಾಲಯದಲ್ಲಿ ಯಶಸ್ವಿಯಾಗಿ ಪ್ರಯೋಗಿಸಲಾಗಿದೆ. ಈ ವಿಧಾನದಲ್ಲ್ ಮೂಳೆಯ ಒಳಗೆ ಉದ್ದವನ್ನು ಹೆಚ್ಚಿಸುವ ಪರಿಕರವೊಂದನ್ನು ಸ್ಥಾಪಿಸಿ ರಿಮೋಟ್ ಕಂಟ್ರೋಲ್ ಮೂಲಕ ಪ್ರತಿದಿನ ಉಪಕರಣದ ಸ್ಕ್ರೂ ಒಂದನ್ನು ತಿರುಗಿಸಬೇಕಾಗುತ್ತದೆ.  ಈ ಉಪಕರಣವನ್ನು ಅಳವಡಿಸಲು ಸುಮಾರು ಎರೆಡು ಘಂಟೆಗಳ ಶಸ್ತ್ರಚಿಕಿತ್ಸೆಯ ಅಗತ್ಯವಿದೆ. ಐದು ದಿನಗಳ ಬಳಿಕ ಉಪಕರಣದ ಸ್ಕ್ರೂಗಳನ್ನು ರಿಮೋಟ್ ಕಂಟ್ರೋಲ್ ಮೂಲಕ ತಿರುಗಿಸಲು ಪ್ರಾರಂಭಿಸಬೇಕಾಗುತ್ತದೆ. ಈ ರಿಮೋಟ್ ಕಂಟ್ರೋಲ್ ಅನ್ನು ರೋಗಿಯೇ ಪ್ರತಿದಿನ ತೊಂಭತ್ತು ಸೆಕೆಂಡುಗಳ ಕಾಲ ಒತ್ತಿರಬೇಕಾಗುತ್ತದೆ. ಈ ವಿಧಾನದಿಂದ ಮೂಳೆ ಪ್ರತಿದಿನ ಒಂದು ಮಿಲಿಮೀಟರ್ ಉದ್ದ ಪಡೆಯುತ್ತದೆ ಎಂದು ವೈದ್ಯಕೀಯ ವಿದ್ಯಾಲಯದ ಮೂಳೆ ತಜ್ಞರಾದ ಡಾ. ಮೊಹಮ್ಮದ್ ಜಲಾಲ್ ಅಲ್ ಸೈಯದ್ ಅವರು ತಿಳಿಸಿದ್ದಾರೆ. ಸುಮಾರು ಹದಿನೆಂಟು ತಿಂಗಳುಗಳ ಬಳಿಕ ಈ ಉಪಕರಣವನ್ನು ಶಸ್ತ್ರಚಿಕಿತ್ಸೆಯ ಮೂಲಕ ಹೊರತೆಗೆಯಲಾಗುವುದು ಎಂದು ಅವರು ತಿಳಿಸಿದ್ದಾರೆ.

ಈ ವಿಧಾನವನ್ನು ಈಗಾಗಲೇ ಐವರು ರೋಗಿಗಳ ಮೇಲೆ ಯಶಸ್ವಿಯಾಗಿ ಪ್ರಯೋಗಿಸಿದ್ದು ಉತ್ತಮ ಫಲಿತಾಂಶ ನೀಡಿದೆ ಎಂದು ಅವರು ತಿಳಿಸಿದ್ದಾರೆ. ಜಗತ್ತಿನಲ್ಲಿ ಈ ವಿಧಾನ ಅನುಸರಿಸುವಲ್ಲಿ ಜರ್ಮನಿ ಪ್ರಥಮವಾಗಿದ್ದು ಆ ಬಳಿಕ ಸೌದಿ ಅರೇಬಿಯಾದಲ್ಲಿ ಯಶಸ್ವಿಯಾಗಿ ಪ್ರಯೋಗಿಸಲಾಗಿದೆ.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ಸೌದಿ ಗೆಜೆಟ್ ವರದಿಗಾರರು : ಅರ್ಶದ್ ಹುಸೇನ್ ಎಂ.ಹೆಚ್ ಪ್ರಕಟಿಸಿದ ದಿನಾಂಕ : 2008-09-16