ನೈಜೀರಿಯಾ ನಾಗರಿಕನಿಗೆ ಶಿರಚ್ಛೇದ ಶಿಕ್ಷೆ : ಈ ವರೆಗೆ ಅರವತ್ತಾರು ಪ್ರಕರಣಗಳು

ರಿಯಾದ್, ಜುಲೈ 25: ಸೌದಿ ಅರೇಬಿಯಾದಲ್ಲಿ ಮಾದಕ ವಸ್ತುಗಳನ್ನು ತರುವುದು ಅತ್ಯಂತ ಕಟುವಾದ ಅಪರಾಧವಾಗಿದ್ದು ತಲೆಯನ್ನೇ ದಂಡವಾಗಿ ನೀಡಬೇಕಾಗುತ್ತದೆ. ಈ ಅಪರಾಧ ಎಸಗಿದ ನೈಜೀರಿಯಾದ ನಾಗರಿಕನೊಬ್ಬನನ್ನು ಶಿರಚ್ಛೇದ ಶಿಕ್ಷೆಗೆ ಒಳಪಡಿಸಲಾಗಿದೆ ಎಂದು ಆಂತರಿಕ ಸಚಿವಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ.  ಕೋಕೇಯ್ನ್ ಮಾದಕ ವಸ್ತುವನ್ನು ಹೊಂದಿದ್ದ ಅಪರಾಧದ ಮೇಲೆ ನೈಜೀರಿಯನ್ ವ್ಯಕ್ತಿಯನ್ನು ಬಂಧಿಸಲಾಗಿತ್ತು.

ಈ ವರ್ಷ ಈ ಶಿಕ್ಷೆಯೊಂದಿಗೆ ಶಿರಚ್ಛೇದದ ಪ್ರಕರಣಗಳು ಒಟ್ಟು ಅರವತ್ತಾರಕ್ಕೇರಿದೆ.  ಕಳೆದ ವರ್ಷ ಒಟ್ಟು 153 ಪ್ರಕರಣಗಳು ದಾಖಲಾಗಿವೆ.  ಸೌದಿ ಅರೇಬಿಯಾದಲ್ಲಿ ಮಾನಭಂಗ, ಕೊಲೆ, ಮಾದಕ ವಸ್ತು ಸಾಗಣೆ, ದರೋಡೆ ಮೊದಲಾದ ಗುರುತರ ಅಪರಾಧಗಳಿಗೆ ಶಿರಚ್ಛೇದದ ಶಿಕ್ಷೆ ನೀಡಲಾಗುತ್ತದೆ.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ಸೌದಿ ಗೆಜೆಟ್ ವರದಿಗಾರರು : ಅರ್ಶದ್ ಹುಸೇನ್ ಎಂ.ಹೆಚ್ ಪ್ರಕಟಿಸಿದ ದಿನಾಂಕ : 2008-07-25