ಸುಮಾರು ಎರೆಡು ಸಾವಿರ ಜನರಿಂದ ಸಂದರ್ಶನ : ಸಾಂಪ್ರಾದಾಯಿಕ ಕಲೆಗಳಿಗೆ ಪ್ರೋತ್ಸಾಹ

ದೋಹಾ, ಜುಲೈ 23: ಕತರ್ ಪ್ರವಾಸೋದ್ಯಮ ಹಾಗೂ ಪ್ರದರ್ಶನಾ ಆಯೋಗ ಪ್ರಾಯೋಜಿಸುತ್ತಿರುವ ಹೆರಿಟೇಜ್ ವಿಲೇಜ್ - ಪರಂಪರಾಗ್ರಾಮ- ಕ್ಕೆ ಆಗಮಿಸುವ ವೀಕ್ಷಕರಿಗೆ ಅನುಕೂಲವಾಗುವ ನಿಟ್ಟಿನಲ್ಲಿ ಉಚಿತವಾಗಿ ಫಲಾಹಾರವನ್ನು ಹಂಚಿದೆ. ದೋಹಾ ಬೇಸಿಗೆ ಉತ್ಸವದ ಅಂಗವಾಗಿ ನಡೆಯುತ್ತಿರುವ ಪರಂಪರಾಗ್ರಾಮದಲ್ಲಿ ಸಾಂಪ್ರಾದಾಯಿಕ ಕಲೆಗಳಿಗೆ ಪ್ರೋತ್ಸಾಹ ನೀಡಲಾಗುತ್ತಿದ್ದು ಸೋಮವಾರದಂದು ಸುಮಾರು ಎರೆಡು ಸಾವಿರ ಜನರು ಪ್ರದರ್ಶನವನ್ನು ವೀಕ್ಷಿಸಿದ್ದಾರೆ.

ವಿತರಿಸಲಾದ ಆಹಾರದ ಪೊಟ್ಟಣಗಳಲ್ಲಿ ಸಾಂಪ್ರಾದಾಯಿಕ ಆಹಾರಗಳಾದ ಹರೀಸ್ ಹಾಗೂ ಮದ್ರೂಬಾಗಳನ್ನು ವಿತರಿಸಲಾಗಿದೆ. ಹರೀಸ್ ಅಕ್ಕಿ, ಗೋಧಿ ಹಾಗೂ ಇನ್ನಿತರ ಕಾಳುಗಳನ್ನು ಮಾಂಸದೊಂದಿಗೆ ಬೇಯಿಸಿದ ಖಾದ್ಯವಾಗಿದೆ.  ಮದ್ರೂಬಾ ಮಾಂಸದೊಂದಿಗೆ ಶ್ಯಾವಿಗೆಯನ್ನು ಸೇರಿಸಿ ತಯಾರಿಸಿರುವ ಖಾದ್ಯವಾಗಿದೆ.  ಆಹಾರ ವಿತರಣೆ ಯಶಸ್ವಿಯಾಗಿದ್ದು ಹಲವಾರು ಜನರನ್ನು ಉತ್ಸವದತ್ತ ಸೆಳೆಯುತ್ತಿದೆ ಎಂದು ಉತ್ಸವದ ಲೈಸನ್ಸ್ ವಿಭಾಗದ ನಿರ್ದೇಶಕರಾಗಿರುವ ಸಲ್ಮಾನ್ ಮೊಹಮ್ಮದ್ ಅಲ್ ಹಮ್ಮಾದಿಯವರು ತಿಳಿಸಿದ್ದಾರೆ.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ಗಲ್ಫ್ ಟೈಮ್ಸ್ ವರದಿಗಾರರು : ಅರ್ಶದ್ ಹುಸೇನ್ ಎಂ.ಹೆಚ್ ಪ್ರಕಟಿಸಿದ ದಿನಾಂಕ : 2008-07-23