ಪ್ರಮುಖ ಆಹಾರವಸ್ತುಗಳಿಗೆ ಸಬ್ಸಿಡಿ : ಅಂತಿಮ ನಿರ್ಧಾರ ಶೀಘ್ರದಲ್ಲಿ

ಕುವೈಟ್,ಜುಲೈ16: ವಿಶ್ವದ ಏಳನೆಯ ಸ್ಥಾನದಲ್ಲಿರುವ ತೈಲ ಉತ್ಪಾದಕಾ ರಾಷ್ಟ್ರವಾದ ಕುವೈಟ್ ಹಣದುಬ್ಬರವನ್ನು ಎದುರಿಸುತ್ತಿದ್ದು ಏರುತ್ತಿರುವ ಬೆಲೆಗಳಿಗೆ ಕಡಿವಾಣ ಹಾಕಲು ಹಲವು ಯೋಜನೆಗಳನ್ನು ರೂಪಿಸುತ್ತಿದೆ. ಅಗತ್ಯವಸ್ತುಗಳಿಗೆ ಸಬ್ಸಿಡಿ ನೀಡುವ ಯೋಜನೆಯೂ ಇದರಲ್ಲೊಂದಾಗಿದ್ದು ಶೀಘ್ರದಲ್ಲಿಯೇ ಈ ಬಗ್ಗೆ ಅಂತಿಮ ತೀರ್ಮಾನ ತೆಗೆದುಕೊಳ್ಳುವುದಾಗಿ ಆರ್ಥಿಕ ಸಚಿವಾಲಯದ ಉಪಕಾರ್ಯದರ್ಶಿಗಳಾದ ರಶೀದ್ ಅಲ್ ತಬಾರಬೀಯವರು ತಿಳಿಸಿದ್ದಾರೆ.

ಇತ್ತೀಚೆಗೆ ಸಭೆಯೊಂದರಲ್ಲಿ ಈ ಬಗ್ಗೆ ಪ್ರಸ್ತಾವಿಸಿ ಹಾಲು, ಡಿಟರ್ಜೆಂಟ್, ಮಾಂಸ, ಫ್ರೋಜನ್ ಚಿಕನ್, ಸೋಪು, ಜ್ಯೂಸ್, ಮಕ್ಕಳ ನ್ಯಾಪೀಸ್ ಮೊದಲಾದ ಅಗತ್ಯವಸ್ತುಗಳಿಗೆ ಸಬ್ಸಿಡಿ ನೀಡುವ ಮೂಲಕ ಕಡಿಮೆ ಬೆಲೆಯಲ್ಲಿ ವಿತರಿಸಲು ಹಲವು ಕೋ ಆಪರೇಟಿವ್ ಸಂಘಟನೆಗಳೊಂದಿಗೆ ಮಾತುಕತೆ ನಡೆಸಲಾಗಿದೆ. ಶೀಘ್ರದಲ್ಲಿ ಈ ಬಗ್ಗೆ ಅಂತಿಮ ತೀರ್ಮಾನ ತೆಗೆದುಕೊಳ್ಳಲಾಗುವುದು ಎಂದು ಅವರು ತಿಳಿಸಿದ್ದಾರೆ.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ಅರೇಬಿಯನ್ ಬಿಸಿನೆಸ್ ವರದಿಗಾರರು : ಅರ್ಶದ್ ಹುಸೇನ್ ಎಂ.ಹೆಚ್ ಪ್ರಕಟಿಸಿದ ದಿನಾಂಕ : 2008-07-16