ಪಿಟಿ‌ಐ, ಹೂಸ್ಟನ್, ಜು.೫. ಭಾರತೀಯ ಮೂಲದ ಅಮೆರಿಕದ ಗಗನಯಾನಿ ಸುನಿತಾ ವಿಲಿಯಮ್ಸ್‌ಗೆ ಪ್ರತಿಷ್ಠಿತ ’ಪದ್ಮಭೂಷಣ’ ಪ್ರಶಸ್ತಿಯನ್ನು ಶನಿವಾರ ಪ್ರದಾನ ಮಾಡಲಾಯಿತು.

ಹೂಸ್ಟನ್‌ನಲ್ಲಿ ನಡೆದ ಸಮಾರಂಭದಲ್ಲಿ ಭಾರತೀಯ ದೂತಾವಾಸದ ಮುಖ್ಯಸ್ಥ ಎಂ.ಎಂ. ಗವಾಯಿ ಅವರು ಸುನಿತಾರಿಗೆ ಪ್ರಶಸ್ತಿ ನೀಡಿ ಗೌರವಿಸಿದರು.

ಈ ಸಂದರ್ಭದಲ್ಲಿ ಅಮೆರಿಕದಲ್ಲಿನ ಭಾರತೀಯ ಸಮುದಾಯ ಪಾಲ್ಗೊಂಡಿತ್ತು.

ಇತ್ತೀಚೆಗೆ ದೆಹಲಿಯಲ್ಲಿ ನಡೆದ ಪದ್ಮ ಪ್ರಶಸ್ತಿ ಸಮಾರಂಭದಲ್ಲಿ ಸುನಿತಾರಿಗೆ ಕಾರ್ಯ ಒತ್ತಡದಿಂದ ಪಾಲ್ಗೊಳ್ಳಲು ಆಗಿರಲಿಲ್ಲ. ಈ ಹಿನ್ನೆಲೆಯಲ್ಲಿ ಅವರಿಗೆ ಅಮೆರಿಕದಲ್ಲೇ ಪ್ರದಾನ ಮಾಡಲು ನಿರ್ಧರಿಸಲಾಗಿತ್ತು.

ನೇರಳೆ ಬಣ್ಣದ ಕುರ್ತಾ, ಸಲ್ವಾರ್ ಧರಿಸಿ ಸಮಾರಂಭದಲ್ಲಿ ಪಾಲ್ಗೊಂಡಿದ್ದ ಸುನಿತಾ ಮಾತನಾಡಿ, ’ಗಾಂಧಿಯಂಥ ಮಹಾಮಹಿಮರು ಬಾಹ್ಯಾಕಾಶಕ್ಕೆ ತೆರಳದಿದ್ದರೂ ಈ ಗಡಿರಹಿತ ಪ್ರಪಂಚ, ವಿಶ್ವಮಾನವತ್ವ ಪ್ರತಿಪಾದಿಸಿದ್ದರು’ ಎಂದರು.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ಕನ್ನಡ ಪ್ರಭ ವರದಿಗಾರರು : ಗ.ಕ.ವಿಶೇಷ ವರದಿಗಾರರು ಪ್ರಕಟಿಸಿದ ದಿನಾಂಕ : 2008-07-06