»ಹೆಚ್ಚಿನ ಚಿತ್ರಗಳು

ವಿದೇಶದಲ್ಲಿ ಮಂಗಳೂರಿನ ಸ್ವಾದ : ಚಕಿತಗೊಳಿಸಿದ ಅಡುಗೆ ಸ್ಪರ್ಧೆ

ಚಿಕಾಗೋ, ಜುಲೈ 1 : ವಿದೇಶದಲ್ಲಿ ಮಂಗಳೂರು ಮೂಲದ ಕೊಂಕಣಿ ಬಾಂಧವರು ಸಂಘಟಿಸಿಕೊಂಡ ಸಂಘ ಎಂ.ಕೆ.ಸಿ.ಎ (The Mangalorean Konkan Christian Association (MKCA) ಈ ವರ್ಷ ತನ್ನ ವಾರ್ಷಿಕೋತ್ಸವವನ್ನು ಕೊಂಕಣ್ ಫೆಸ್ಟ್ 2008 ಎಂಬ ಹೆಸರಿನಲ್ಲಿ ಆಚರಿಸಿಕೊಂಡಿತು.  ಇಲ್ಲಿನಾಯ್ಸ್ ನಗರದ ಡೆಸ್ ಪ್ಲೇಯ್ನ್ಸ್ ನಲ್ಲಿರುವ ಕೋರ್ಟ್ ಯಾರ್ಡ್ ಹೋಟೆಲಿನಲ್ಲಿ ಜರುಗಿದ ಸಮಾರಂಭ ನಾಡಿನ ಪರಂಪರೆ ಹಾಗೂ ಅಡುಗೆಗಳ ವಿಶೇಷತೆಗಳೊಂದಿಗೆ ಹಲವು ಕಾರ್ಯಕ್ರಮಗಳನ್ನು ಹಮ್ಮಿಕೊಂಡು ಸಂಭ್ರಮಿಸಿತು. 

ಮಂಗಳೂರಿನ ಸಂಸ್ಕೃತಿಯನ್ನು ಬಿಂಬಿಸುವಲ್ಲಿ ಈ ವರ್ಷದ ಪ್ರಯತ್ನ ಮೂರನೆಯದ್ದಾಗಿದ್ದು ಹಿಂದೆ ನಡೆದ ಕಾರ್ಯಕ್ರಮಗಳಿಗಿಂತ ಹೆಚ್ಚು ವೈಭವಯುತ ವಾಗಿತ್ತು.  ಅಡುಗೆ ಸ್ಪರ್ಧೆ, ಛದ್ಮವೇಶ ಸ್ಪರ್ಧೆ ಹಾಗೂ ಹಾಡುಗಾರಿಕೆ ಸ್ಪರ್ಧೆ ಸಹಿತ ಹಲವು ಸ್ಪರ್ಧೆಗಳನ್ನು ಆಯೋಜಿಸಲಾಗಿತ್ತು.

ಸಂಘದ ಅಧ್ಯಕ್ಷರಾದ ಲಾರೆನ್ಸ್ ಮೆಸ್ಕರನ್ಹಾಸ್ ಅವರು ಸಭಿಕರನ್ನು ಹಾಗೂ ತೀರ್ಪುಗಾರರನ್ನು ವೇದಿಕೆಗೆ ಆಹ್ವಾನಿಸಿದರು.  ಮೊದಲಿಗೆ ಅಡುಗೆ ಸ್ಪರ್ಧೆಯಿಂದ ಪ್ರಾರಂಭವಾದ ಕಾರ್ಯಕ್ರಮದಲ್ಲಿ ಮನೆಯಿಂದ ತಯಾರಿಸಿಕೊಂಡು ಬಂದಿದ್ದ ಇಪ್ಪತ್ತಮೂರು ಬಗೆಯ ವ್ಯಂಜನಗಳು ತೀರ್ಪುಗಾರರನ್ನು ಇಕ್ಕಟ್ಟ್ಕಿಗೆ ಸಿಲುಕಿಸಿತ್ತು. ಅಪೆಟೈಜರ್, ಮೇನ್ ಕೋರ್ಸ್, ಡೆಸರ್ಟ್ ಹಾಗೂ ಸೈಡ್ ಡಿಶ್ ಎಂಬ ನಾಲ್ಕು ವಿಭಾಗಗಳಲ್ಲಿ ಒಂದಕ್ಕಿಂತ ಒಂದರ ಉತ್ತಮ ಸ್ವಾದ ಮೀರಿಸುವಂತಿದ್ದು ತೀರ್ಪುಗಾರರು ಅಂತಿಮ ವಿಜೇತರನ್ನು ಪ್ರಕಟಿಸಲು ಹೆಣಗಾಡಬೇಕಾಯಿತು.  ಕುವೈಟಿನ ಶೀಲಾ ಫೆರ್ನಾಡಿಸ್, ಕೋನ್ಸಿ ಮಿಸ್ಕ್ವಿಟಾ, ಹಾಗೂ ಜೇಮ್ಸ್ ಸಲ್ಡಾನ್ಹಾ ತೀರ್ಪುಗಾರರಾಗಿದ್ದರು.  ಆದರೆ ವಿಜೇತರ ಹೆಸರನ್ನು ಅಂತಿಮಕ್ಷಣದವರೆಗೆ ಪ್ರಕಟಿಸದಿದ್ದುದು ಎಲ್ಲರ ಕಾತರಗಳನ್ನು ಹೆಚ್ಚಿಸಿತ್ತು. 

ಅಂತಿಮವಾಗಿ ವಿಜೇತರನ್ನು ಪ್ರಕಟಿಸಲಾಯಿತು

ಮೇನ್ ಕೋರ್ಸ್: ಮೊದಲ ಬಹುಮಾನ: ಲಿಲ್ಲಿ ಫೆರ್ನಾಂಡಿಸ್ (ಚಿಕನ್ ಸುಕ್ಕಾ) ಹಾಗೂ ಎರಡನೆಯ ಬಹುಮಾನ : ಫ್ಲೋರಿನ್ ರೋಡ್ರಿಗಸ್ (ಚಿಕನ್ ಕರಿ)
ಸೈಡ್ ಡಿಶ್ ವಿಭಾಗ: ಮೊದಲ ಬಹುಮಾನ: ವಿಸಿಯಾ ಡಿಸೋಜಾ (ಮ್ಯಾಂಗೋ ಕರಿ) ಹಾಗೂ ಎರಡನೆಯ ಬಹುಮಾನ : ಮರ್ಸಿ ಕಾನ್ಸೆಸ್ಸೊ (ಪೋರ್ಕ್ ಇಂದಾದ್)
ಅಪೆಟೈಜರ್ ವಿಭಾಗ: ಮೊದಲ ಬಹುಮಾನ: ಡೊರೋಥಿ ರೇಗೊ(ದಹಿ ವಡಾ) ಹಾಗೂ ಎರಡನೆಯ ಬಹುಮಾನ : ಅಲ್ಫಾನ್ಸೋ ಮಸ್ಕರೆನ್ಹಾಸ್(ಸನ್ನಂ) ಮತ್ತು ಲ್ಯೂಎಲ್ಲಾ ಮಸ್ಕರೆನ್ಹಾಸ್(ಶೇವೋ)
ಡೆಸರ್ಟ್ ವಿಭಾಗ: ಮೊದಲ ಬಹುಮಾನ: ಲೋರೆಟ್ಟಾ ರೋಡ್ರಿಗಸ್(ವೋರ್ನ್) ಹಾಗೂ ಎರಡನೆಯ ಬಹುಮಾನ : ಕ್ವೀನೀ ಮೆಂಡೋನ್ಸಾ(ರಶಿಯನ್ ಪುಡ್ಡಿಂಗ್)

ಆ ಬಳಿಕ ಜರುಗಿದ ಹಾಡು ಮತ್ತು ನೃತ್ಯ ಕಾರ್ಯಕ್ರಮಗಳಲ್ಲಿ ಉತ್ತಮ ಸ್ಪರ್ಧೆ ಮೂಡಿಬಂದು ನೆರೆದವರನ್ನು ರಂಜಿಸಿತು. ಅಂತಿಮವಾಗಿ ಈ ಕೆಳಕಂಡವರನ್ನು ವಿಜೇತರೆಂದು ಘೋಷಿಸಲಾಯಿತು.

ಹಾಡುಗಾರಿಕೆ:
Age Group 1-6: Solo – Samantha Concesso,
first and Nayan Menezes, second.
Age group 7-12: Solo – Crystal Rodrigues, first, Duet – Shawn and Shannon D'Souza first.
Age group 18 and above – Solo – Alphonce Mascarenhas, first and Ligoury Martis, second;
Duet – Mercy and Denzil concesso, first and Jossie and Queenie Mendonca, second;
Group – Denzil Concesso & party first.

ಛದ್ಮವೇಶ ಸ್ಪರ್ಧೆಯಲ್ಲಿ ಈ ಕೆಳಕಂಡವರನ್ನು ವಿಜೇತರೆಂದು ಘೋಷಿಸಲಾಯಿತು

Age group 1-6: Solo – Merwyn D'Souza first and   Godlyn D'Souza,  second; duet – Merwyn D'Souza and Godlyn D'Souza.  
Age group 7-12 Solo – Lloyd Quadros, first.
 Age group 13 – 17:  Shawn D'Souza, first and Angel DSouza, second;
 Duet – Joey Mendonca and Shawn DSouza, first.  Group:  Jason Mendonca and party.
  Age group 18 and above – Solo – Mercy Concesso, first, Jossie Mendonca, second.
Duet – Denzil and Mercy Concesso first and Queenie and Jossie Mendonca, second.

ಸ್ಪರ್ಧೆಗಳ ಬಳಿಕ ಪ್ರಸ್ತುತಪಡಿಸಲಾದ ಮಂಗಳೂರಿನ ಸ್ವಾದಿಷ್ಟ ಭೋಜನ ಎಲ್ಲರ ಜಿಹ್ವಾಚಾಪಲ್ಯವನ್ನು ತಣಿಸಿತು.  ಭೋಜನವನ್ನು ಮಾರ್ಕ್ ರೋಡ್ರಿಗಸ್ ಮತ್ತು ಲಾರೆನ್ಸ್ ಮಸ್ಕರೆನ್ಹಾಸ್ ಆಯೋಜಿಸಿದ್ದರು.

ಭೋಜನದ ಬಳಿಕ ಹಲವು ಮನರಂಜನಾ ಕಾರ್ಯಕ್ರಮಗಳು ಜರುಗಿದವು. ಹಲವರು ಹಾಡು ಹಾಡಿದರೆ ನ್ಯೂ ಇಂಡಿಯನ್ ಆ ದ ಬ್ಲಾಕ್ ತಂಡ ಕಿರುರೂಪಕವನ್ನು ಪ್ರದರ್ಶಿಸಿತು. ಡೆಸ್ಜೆಲ್ ಕಾನೆಸ್ಸೊ, ಜೋಸ್ಸಿ ಮೆಂಡೋನ್ಸಾ ಮತ್ತು ಸ್ಟ್ಯಾನಿ ಡಿ ಸೋಜಾರವರ ಕೊಂಕಣಿ ರೂಪಕ ಡೊಲ್ಲಾಚಿ ಕಡಕ್ ಚಾ ಎಲ್ಲರ ಮನರಂಜಿಸಿತು.

ವಿಜೇತರಿಗೆ ಆಕರ್ಷಕ ಪದಕ ಹಾಗೂ ಸ್ಮರಣಿಕೆಗಳೊಂದಿಗೆ ಸನ್ಮಾನಿಸಲಾಯಿತು.  ಬಹುಮಾನಗಳನ್ನು ಖ್ಯಾತ ಸಿವಿಲ್ ನ್ಯಾಯವಾದಿ ಅಮರಾಂತೆ ಕಾರ್ವೆಲ್ಲ್ಹೋ ರವರು ವಿತರಿಸಿದರು.  ಈ ಕಾರ್ಯಕ್ರಮದ ಯಶಸ್ಸಿನ ಹಿಂದಿನ ಎಮ್.ಕೆ.ಸಿ.ಎ. ಕಾರ್ಯಕ್ಷಮತೆಯನ್ನು ಕಾರ್ವೆಲ್ಹೋರವರು ಶ್ಲಾಘಿಸಿದರು. 

ಕೊಂಕಣ್ ಫೆಸ್ಟ್ ಸಮಾರಂಭದ ಅಧ್ಯಕ್ಷರಾದ್ ಸ್ಟ್ಯಾನಿ ಡಿಸೋಜಾರವರು ವಂದನಾರ್ಪಣೆ ಸಲ್ಲಿಸಿದರು.  ಅಂತಿಮವಾಗಿ ಎಲ್ಲರೂ ಕೂಡಿ ಸಮೂಹಗಾನ ಹಾಡಿ ಕಾರ್ಯಕ್ರಮಕ್ಕೆ ಶುಭವಿದಾಯ ಸಲ್ಲಿಸಿದರು.  ಅನಿತಾ ಹಾಗೂ ಅಟಿನಾ ಡಿ’ಸೋಜಾ ರವರು ಕಾರ್ಯಕ್ರಮದ ನಿರೂಪಣೆ ನೀಡಿದರು.

ಈ ವಾರ್ತೆಯನ್ನು ಮುದ್ರಿಸಿ

ವರದಿಯ ವಿವರಗಳು

ಕೃಪೆ : ಚಿತ್ರ, ವರದಿ: ಡಾ. ಆಸ್ಟಿನ್ ಪ್ರಭು, ಚಿಕಾಗೋ. ವರದಿಗಾರರು : ಅರ್ಶದ್ ಹುಸೇನ್ ಎಂ.ಹೆಚ್ ಪ್ರಕಟಿಸಿದ ದಿನಾಂಕ : 2008-07-01